• 6 сарын 28, Мягмар
Уншиж байна ...

Архины хамааралтай хүнд илрэх шинж тэмдгүүд

Т.Саран, iKon.mn
2022 оны 5 сарын 19
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Ахуйн архидалтаас сэргийлж, архигүй амьдралыг цогцлоох уриалгыг Нийгмийн Эрүүл Мэндийн Үндэсний Төвөөс гаргаад байна. 

Согтууруулах ундаа хэрэглэснээр архины хордлого, гепатит, архаг панкреатит, ухаан алдах, нас барах зэрэг ноцтой үр дагаварт хүрч байна.

Нэг удаа согттол согтууруулах ундаа хэрэглэх үед 8,000-20,000 мэдрэлийн эсийг гэмтээж, эргэж нөхөн төлжихгүйгээр үхүүлдэг. 

Архины хамааралд орсон хүнд илрэх шинж тэмдгүүд

  • Уур уцаартай болох
  • Гэр бүлийн харилцаа муудах
  • Согтууруулах ундааг бусад зүйлээс эхэнд тавих
  • Төлөвлөснөөс илүү их уух
  • Орон зайн баримжаа алдагдах
  • Хэл ам ээдрэх
  • Ой тогтоолт муудах
  • Наснаасаа хөгшин харагдах зэрэг шинж тэмдэг илэрнэ

Архи бүх эрхтэн системийг гэмтээдэг хор юм. Архи хэрэглэсний маргааш цовоо сэргэлэн, эрүүл саруул сэрэх нэг ч тохиолдол үгүй. Улмаар архинаас үүдэлтэй эмгэг өвчнөөр хэвтэн эмчлүүлж буй иргэдийн тоо жилээс жилд нэмэгдэж байгаа. Мөн архины шалтгаантай элэгний биеэ даасан эмгэгийн тоо нэмэгдэх болсон гэдгийг УНТЭ-ийн Гастроэнтерологийн төвийн их эмч Б.Болормаа хэлж байв. 

Хүүхдийн эрхийн тухай хууль болон Зөрчлийн тухай хуульд заасны дагуу Эцэг эх, асран хамгаалагч нь хүүхдийн дэргэд архидан согтуурсан тохиолдолд 300 нэгж буюу 300,000 төгрөгөөр торгодог. Тиймээс тухайн хүүхдийн эцэг, эхэд ийм шийтгэл оногдуулах боломжтой байдаг аж. 

Согтууруулах ундааны ам дамжсан төөрөгдөл:

  • Жирэмсэн үед бага зэргийг уухад гэмгүй
  • Хоол идэх дуршлыг нэмэгдүүлдэг
  • Цусны даралтыг бууруулдаг
  • Ажлын чадавхыг дээшлүүлдэг
  • Уур бухимдлыг тайлдаг
  • Үнэтэй архи хор багатай байдаг
  • Дулаацуулдаг
  • Ханиад томуу эмчилдэг
  • Ходоодны өвчин эдгээдэг
  • Шар айраг согтууруулах ундаа биш
  • Архи уудаггүй хүнд итгэх боломжгүй.