Г.Батзориг: Ирэх хавар 600 орчим гэрэлтүүлгийн шонг явган хүний замаас зайлуулах ажлыг зохион байгуулна
Нийслэл хотын нийтийн эзэмшлийн талбай болон явган хүний зам дээр байршуулсан гэрэлтүүлгийн шонг зөөвөрлөх ажлыг өнгөрсөн оноос эхлүүлээд буй. Өнөөдрийн байдлаар 1,000 орчим шонг шилжүүлсэн гэнэ.
Энэ тухай хотын ерөнхий менежер Г.Батзориг "Нийслэл хотын явган хүний зам дээр байршуулсан 1,000 орчим гэрэлтүүлгийн шонг зөөвөрлөлөө.
Явган хүний зам дээр байршуулсан 1,600 орчим шонтой гэсэн судалгаа бий. Ирэх хавар үлдсэн 600 орчим гэрэлтүүлгийн шонг явган хүний замаас зайлуулах ажлыг зохион байгуулна. Ингэснээр иргэд явган замаар аюулгүй, чөлөөтэй алхах боломж бүрдэж байгаа юм" гэв.
50 сантиметр хүрэхгүй нарийхан явган хүний замын голд шон суурилуулсан тохиолдол ч гарчээ.
Гэрлийн шонг шилжүүлэхэд ойролцоогоор хоёр хоног зарцуулдаг бөгөөд нийслэлд гэрэлтүүлгийн үйл ажиллагааг 16 ААН явган хүний замын зорчих хэсгийн гэрлийн шонг шилжүүлж, зорчих хэсгийг чөлөөлөх ажлыг гүйцэтгэжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
