ХУУЧИРСАН МЭДЭЭ: 2022/03/28-НД НИЙТЛЭГДСЭН
Өсвөр насны дөрвөн хүүхэд 48-49 насны хоёр эрэгтэйг лифтэн дотор зодож, дээрэмджээ
iKon.MN
Гэрэл зургийг mpa.mn
Цагдаагийн байгууллагад 2022 оны гуравдугаар сарын 27-ны 23:50 цагт “Сонгинохайрхан дүүргийн 16 дугаар хороо, байрны орцонд хоёр хүн зодуулж дээрэмдүүлсэн” гэх мэдээлэл ирүүлжээ.
Дүүргийн цагдаагийн газрын III хэлтсээс шалгахад 48, 49 настай хоёр эрэгтэй лифтэн дотор дөрвөн хүнд зодуулж, дээрэмдүүлсэн хэргийг 16 настай, эрэгтэй, Ц.М, 15 настай, эрэгтэй, С.Б, 13 настай, эрэгтэй Х.Ч, 16 настай, эрэгтэй Б.Н нар бүлэглэн үйлдсэнийг тогтоожээ.
Цагдаагийн албан хаагчид гэмт хэрэг үйлдсэн этгээдүүдийг Сонгинохайрхан дүүргийн нутаг дэвсгэрээс дайчлан баривчилж, мөрдөн шалгах ажиллагааг явуулж эхэлсэн байна.
Эцэг, эх, асран хамгаалагч нар хүүхдээ хэнтэй найзалж, хаана юу хийж явааг асууж лавлан анхаарлаа сайжруулахыг анхаарууллаа.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
