Өнгөрсөн хоногт COVID-19-ийн хүндэвтэр оноштой иргэн 109-өөр, хүнд өвчтөн 116-аар нэмэгдэв
Коронавирусийн Омикрон хувилбар манай улсад бүртгэгдэж, халдварын дөрөв дэх давлагаа эхэлсэн тухай Эрүүл мэндийн сайд мэдэгдсэн.
Үүнтэй холбоотойгоор сүүлийн өдрүүдэд шинээр илрэх халдварын тоо эрс нэмэгдэж, эмнэлэгт хэвтэн эмчлүүлэгчдийн тоо өссөөр байна.
Улсын хэмжээнд өнөөдрийн байдлаар COVID-19-ийн халдвартай нийт 15,742 хүн эмчлүүлж байна. Үүнээс хөнгөн хэлбэрийн оноштой 11,259 хүн өрхийн эмчийн хяналтад гэртээ тусгаарлагдан эмчлүүлж байгаа бол 4,483 хүн эмнэлэгт хэвтэн эмчлүүлж байгаа юм.
Эмнэлэгт байгаа иргэдийн 26.5 хувь нь хөнгөн оноштой бол 73.4 хувь нь биеийн байдал хүнд байгаа буюу
- Хүндэвтэр оноштой – 2,669,
- Хүнд оноштой – 590,
- Маш хүнд оноштой – 33 хүн эмнэлэгт хэвтэн эмчлүүлж буй юм.
Мөн эмнэлэгт байгаа иргэдийн 662 нь хүүхэд бол 386 нь жирэмсэн эмэгтэй байна. Энэ нь өнгөрсөн хоногт 18 хүүхэд эмнэлгээс гарсан бол 48 жирэмсэн эмэгтэй нэмэгдсэн үзүүлэлт юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
