Монгол эмч нарыг Америк эмч нартай хамтран ажиллахыг урьж байна
Бидний тухай
Mederva Health нь АНУ-ын Сан Франциско хотод төвтэй эрүүл мэндийн байгууллага юм. Манай байгууллагад АНУ-ын шилдэг анагаахын сургуулиудад бэлтгэгдсэн нарийн мэргэжлийн эмч нар ажиллаж байна. Бид өөрсдийн хөгжүүлсэн технологийн тусламжтайгаар америк эмч нарын ур чадварыг хөгжиж буй орны өвчтөнүүдэд хэл соёл, цаг хугацаа, байршлын бэрхшээлгүйгээр хүргэдэг. Mederva Health-ийн үйлчилгээ 2021 оны 7-р сард Монголчуудад нээлттэй болсноос хойш зүрх судас, хорт хавдар, мэдрэл гэх мэт 12 нарийн мэргэжлийн чиглэлээр олон арван өвчтөнүүдэд зөвлөгөө өгч үйлчлээд байна.
Хөтөлбөрийн талаар
Mederva Health хөгжиж буй орнуудын өвчтөнүүдийг тэдний соёл, хэлний ялгаа, байрлалаас үл хамааран америк эмч нартай холбох шийдлийг технологи ашиглан бүтээгээд байна. Энэхүү технологийн шийдлээ ашиглан монгол эмч нарыг өөрсдийн ур чадвар, туршлагаа Америк эмч нартай хуваалцах, хөгжүүлэх замаар өвчтөнүүдийнхээ бэрхшээлийг шийдвэрлэх боломжийг нээж буй хөтөлбөртөө хамтран ажиллахыг урьж байна.
Бид яагаад энэ хөтөлбөрийг хэрэгжүүлж байна вэ?
Хүний бие нь маш нарийн бүтэцтэй тул өвчилсөн үед хэд хэдэн нарийн мэргэжлийн эмч нар туршлага мэдлэг солилцох байдлаар хамтран ажиллаж, нарийвчилсан оношилгоо, өвчтөнд авах арга хэмжээний талаар шийдвэр гаргах шаардлага гардаг. Америк болон эрүүл мэндийн систем өндөр хөгжсөн орнуудад нарийн мэргэжлийн эмч нар томоохон хотууддаа төвлөрсөн байдаг ч байршил үл харгалзан хамтран ажиллах боломжтой байдаг нь эмч нар цаг алдалгүй хамтран ажиллах, улмаар өвчтөнд өгөх эрүүл мэндийн үйлчилгээний чанарыг сайжруулдаг. Монгол улсад эмч нар дотоодын болон гадаадын эмч нартай шууд холбогдон хамтран ажиллах дэд бүтэц өндөр түвшинд хөгжиж амжаагүй байгаа нь олон тооны өвчтөнүүдийг гадаад руу явахад хүргэсээр байна. Энэхүү гадаад руу чиглэсэн өвчтөний урсгал дараах хүндрэлүүдийг үүсгэж байна:
- Өвчтөн болон түүний гэр бүлд сэтгэл зүй, санхүүгийн хүнд дарамт учирдаг.
- Нэг удаа өндөр зардалтайгаар оношилгоо эмчилгээ хийлгэсэн ч гадаадад үргэлжилсэн эмчилгээ хийлгэж, хяналтад байх боломжгүй.
- Монголдоо хийлгэсэн эмчилгээ, шинжилгээ, эмчийн бичиг, тэмдэглэл зэргийг орчуулга, хөрвүүлэн ойлгох хүндрэлээс болж ашигладаггүй. Жуулчдад зориулсан эмнэлгүүд энэ асуудлыг шийдвэрлэхийн оронд бүх шинжилгээ, дүрс оношилгоо зэргийг дахин хийлгэж өвчтөний зардал, зарцуулах цагийг нэмэгдүүлдэг.
- Дотоодын эрүүл мэндийн систем—эмч нарын туршлагажилт, санхүүжилтэд сөрөг нөлөө үзүүлдэг.
Хөтөлбөрөөс ямар үр дүн гарах вэ?
Монголын өвчтөнүүдэд:
- Монгол улсдаа хямд зардлаар эрүүл мэндийн чанартай, тогтвортой үйлчилгээ авах боломж сайжирч, эрүүл мэндийн үйлчилгээ авах зорилгоор гадаадад зорчих шаардлага багасна.
Монголын эмч нарт:
- Mederva Health-ийн хөгжүүлсэн технологийг ашиглан америк эмч нартай хамтран ажиллах, хүнд хэргүүдэд тусламж авах боломжтой болно.
- Өвчтөнүүдийнхээ асуудлыг чанартай, өндөр түвшинд шийдвэрлэх боломж нэмэгдэнэ.
- Санхүүгийн нэмэлт эх үүсвэртэй болно.
- Монгол улсын эрүүл мэндийн онцлогийг гүнзгий ойлгоход тусална.
- Олон улсын эмч нарыг америк эмч нартай хамтран өвчтөнүүдээ эмчлэх технологийн шийдлийг сайжруулна.
Ямар эмч нарт тохиромжтой вэ?
- Америк эмч нартай хамтран ажиллах, туршлага солилцох, мэргэжилдээ өсөн дэвжих хүсэл сонирхолтой эмч нар.
- Яг одоо эмчийн ажлаа хийж буй Монгол улсад эмчлэх эрхтэй эмч нар.
- Эмнэлзүйн англи хэлтэй эмч нарт илүү тохиромжтой.
Хөтөлбөрт элсэх үйл явц:
- Хөтөлбөрт хамрагдах эмч нар дараах онлайн хүсэлтийг 2021 оны 12 сарын 10-ны дотор бөглөж илгээнэ үү. Аль болох дэлгэрэнгүй бөглөхийг хүсье.
- Бид хүсэлт илгээсэн эмч нарт төслийн талаар дэлгэрэнгүй мэдээллийг ганцаарчлан танилцуулж санал солилцоно.
- Хоёр тал хамтран ажиллахад тохиромжтой гэж үзвэл бид хамтран ажиллах гэрээний төслийг илгээнэ.
- Онлайн хүсэлтийг ЭНД ДАРЖ бөглөнө үү.
Чухал мэдээлэл
Mederva Health нь хүн бүртэй нээлттэй, шударга хамтран ажилладаг байгууллага юм. Иймээс бид хамтран ажиллагчдаа арьс өнгө, шашин шүтлэг, хүйс, үндэсний гарал үүсэл, нас, хөгжлийн бэрхшээл, генетикийн мэдээлэл зэргээр ялгаварлахгүй, гадуурхахгүй гэдгээ амлаж байна. Бид амлалтаа
бодитоор хэрэгжүүлэхийн тулд хамтрагчдаасаа ялгаварлан гадуурхах шинжтэй хувийн асуултууд (шашин, хүйс, гэр бүлийн байдал, улс төрийн үзэл бодол г.м.) эсвэл фото зураг зэргийг шаарддаггүй.
Манай байгууллагыг төлөөлж тантай харьцаж буй хүн/хүмүүс дээрх амлалтыг зөрчсөн шинжтэй хандлага, авир гаргавал бидэнд legal@medervahealth.com хаягаар хандахыг хүсье. Бид ирсэн гомдол бүрийг хариуцлагатайгаар шалгаж, залруулах арга хэмжээг цаг алдахгүй авах болно.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
