2021/12/05
Америк доллар
МОНГОЛ БАНК:
2,848.55₮
B30
УЛААНБААТАР
-4°
|
-17°
B30
УЛААНБААТАР
-3°
|
-16°
B30
УЛААНБААТАР
-6°
|
-15°
06:00
S32
-5°
07:00
S32
-5°
08:00
S32
-6°
09:00
S31
-8°
10:00
S31
-9°
11:00
S29
-10°
12:00
S29
-10°
13:00
S29
-11°
14:00
S29
-11°
15:00
S29
-12°
16:00
S29
-12°
17:00
S29
-12°
Энэ мэдээ хуучирсан буюу 2021/08/30 -нд нийтлэгдсэн мэдээ болно.

Кабулын нисэх буудалд бөмбөг дэлбэлэх гэж байсан амиа золиослогчийг АНУ-ын тал түрүүлж устгажээ

Т.Давааням, ikon.mn
2021 оны 8 сарын 30
iKon.MN
Зураг

Ням гарагт АНУ-ын арми Кабулын нисэх буудалд үйлдэгдэх гэж байсан террорист халдлагаас урьдчилан сэргийлж чадсанаа мэдээлжээ.

Халдлага үйлдэхээр нисэх буудлыг чиглэн автомашинаар зорчиж явсан Исламын Улс бүлгийн гишүүнийг дроны цохилтоор устгасан байна. Энэ үеэр хүчтэй дэлбэрэлт болсон нь автомашинд их хэмжээний тэсрэх бодис тээвэрлэж явсныг баталжээ.

Өнгөрсөн долоо хоногийн Пүрэв гарагт Кабулын нисэх буудалд бөмбөг дэлбэрэхэд 170 гаруй хүн алагдсаны 13 нь АНУ-ын зэвсэгт хүчний алба хаагчид байсан юм.

Халдлагыг Афганистан дахь Исламын Улс бүлэглэлийн салбар ISIS-K байгууллага үйлдсэнээ зарлаж байв. Улмаар Баасан гарагийн орой уг халдлагыг төлөвлөсөн, зохион байгуулсан хоёр этгээдийг Афганистаны зүүн хязгаарын Нангархар мужид автомашинтай явж байхад нь АНУ-ын тал дроны цохилтоор устгасан байна.

Пүрэв гарагийн халдлагад өртөж амиа алдсан 13 цэргийн шарилыг Ням гарагт АНУ-д хүргэжээ. Тэдний дурсгалыг хүндэтгэх арга хэмжээ Делавар мужийн Довер агаарын баазад зохион байгуулагдахад АНУ-ын ерөнхийлөгч Жо Байден оролцсон байна.

Террористууд аюул учруулсаар байгаа ч АНУ-ын засаг захиргаа Талибаны талтай тохиролцсоны дагуу наймдугаар сарын 31 хүртэл өөрийн иргэд, тусгай визтэй афган хүмүүсийг нүүлгэн гаргах ажиллагаагаа үргэлжлүүлж байгаа.

АНУ-аас бусад бүх улс орнууд Пүрэв гарагийн халдлагын дараа Афганистанаас иргэдээ нүүлгэн гаргах ажиллагааг дуусгасан юм. Тухайлбал Их Британи улсын засгийн газар нүүлгэх ажиллагаагаа Ням гарагт өндөрлөжээ.

Наймдугаар сарын 14-нөөс хойш өнөөдрийг хүртэл АНУ нийтдээ 110,000 гаруй хүнийг Афганистанаас нүүлгэн гаргасан байна.

 

Эх сурвалж: BBC

 

x