ҮЙЛ ЯВДАЛ: Нийслэлийн Засаг дарга Д.Сумъяабазар цаг үеийн асуудлаар мэдээлэл өгнө
Гранд хилл зочид буудлын урд талбайд
10:00 цагт Баянгол дүүрэгт хийгдэж буй замын ажил буюу Модны-2 зам засварын ажил ямар шалтгаанаас болж удааширч байгаа талаар дүүргийн Засаг дарга Ө.Сумъяабаатар болон гүйцэтгэгч компани болох “Голд Өлзийт” ХХК-ийн удирдлагууд мэдээлэл хийнэ.
Тайм тауэр хотхонд
10:00 цагт БЗД-ийн 26-р хороо Тайм тауэр хотхоны орц гарцыг хааж нийтийн эзэмшлийн автозам дээр хашаа барих гэж байгаа талаар Тайм тауэр хотхоны оршин суугчид эсэргүүцэл илэрхийлж, жагсаал хийнэ. 2019 оноос эхлэн УИХ-ын гишүүн Ж.Ганбаатарын хамаарал бүхий Энканто хотхоны зэргэлдээ 8 давхар автозогсоол барьж Тайм тауэр хотхоны байрнуудын нар салхийг хаасан асуудал шүүх дээр хэрхэн царцсан талаар мэдээлэл өгнө.
Монгол ньюс мэдээллийн төвд
11:00 цагт Монгол улсад Хазара дүрвэгчдийг авъя сэдвээр Монгол туургатны зүтгэлтнүүд мэдээлэл хийнэ.
Эрүүл мэндийн яаманд
11:00 цагт Коронавируст халдварын нөхцөл байдлын талаарх ээлжит хэвлэлийн хурал болно.
Сонгинохайрхан уулын бэлд
11:40 цагт Ус гүн цэвэршүүлэх үйлдвэрийн шав тавих ёслол болно.
Хангарьд ордны 14 дүгээр давхарт
14:00 цагт Нээлттэй Улаанбаатар хэвлэлийн бага хурал болно. Хуралд нийслэлийн Засаг дарга Д.Сумъяабазар болон нийслэлийн удирдлагын баг оролцож цаг үеийн асуудлаар нээлттэй мэдээлэл өгнө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
