Эрдэс баялгийн салбараас төсөвт төвлөрүүлсэн мөнгө өмнөх оноос ₮1.7 их наядаар өсжээ
Эрдэс баялгийн салбараас энэ оны эхний зургаан сарын байдлаар улсын төсөвт 2.5 их наяд төгрөг төвлөрүүлжээ. Энэ нь өнгөрсөн оны мөн үетэй харьцуулахад 1.7 их наяд төгрөгөөр нэмэгдсэн үзүүлэлт болохыг Уул, уурхайн яамнаас тооцсон байна.
Дэлхий дахинд цар тахлын дараах эдийн засаг сэргэж буйтай холбоотойгоор эрдэс баялгийн бүх төрлийн бүтээгдэхүүний үнэ өсөж буй. Дэлхийн зах зээлд нүүрс, зэс, газрын тос, төмрийн хүдэр, цайр, жонш, алтны үнэ өссөн нь манай улсын төсөвт төвлөрүүлэх орлогод ийнхүү эергээр нөлөөлжээ.
Энэ бол нүүрсний үнийн хувьд түүхэн дээд хэмжээ.
Зураг. Дэлхийн зах зээл дээрх нүүрсний ханш
Энэ онд манай улс 28 сая тонн нүүрс экспортлох төлөвлөгөөтэй байсан ч цар тахлаас үүдэлтэйгээр экспортын хэмжээ буурахаар байна. Гэхдээ нүүрсний үнэ өссөн учир төсөвт төвлөрөх гүйцэтгэл эхний хагас жилийн байдлаар 98 хувьтай гарчээ.
