2021/08/04
Америк доллар
МОНГОЛ БАНК:
2,849.16₮
B30
УЛААНБААТАР
20°
|
11°
B30
УЛААНБААТАР
25°
|
10°
B30
УЛААНБААТАР
29°
|
13°
18:00
S30
17°
19:00
S30
16°
20:00
S30
15°
21:00
S26
14°
22:00
S26
13°
23:00
S26
12°
00:00
S26
11°
01:00
S26
10°
02:00
S26
03:00
S29
04:00
S29
05:00
S29

Үндэсний ном, бичиг соёлын өдрүүдийг тав, есдүгээр сарын гурав дахь долоо хоногийн амралтын өдрүүдэд тэмдэглэх хуулийг хэлэлцэв

Т.Өлзийбаяр, iKon.mn
2021 оны 6 сарын 17
iKon.MN
Зураг
mpa.mn
эрэмбэлэх:   шинэ нь эхэнд хуучин нь эхэнд

16:17 2021/06/17

ШУУД ҮЗЭХ: 

https://www.facebook.com/iKonNews/videos/759281824739812

“Монгол хүний удмын сангийн аюулгүй байдлыг хамгаалах, хүн амын өсөлтийг дэмжих талаар авах арга хэмжээний тухай” УИХ-ын тогтоолын төслийг хэлэлцэж, гишүүдийн олонх дэмжсэнээр анхны хэлэлцүүлэгт бэлтгүүлэхээр холбогдох байнгын хороонд шилжүүлэв. 

Үргэлжлүүлэн Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төслийг хэлэлцэх эсэхийг хэлэлцэж байна. 

Хуулийн төсөл нь хуульд нэмэлт оруулах хэлбэрээр боловсруулагдсан бөгөөд Нийтээр тэмдэглэх баярын болон тэмдэглэлт өдрүүдийн тухай хуулийн тавдугаар зүйлд үндэсний ном, бичиг соёлын өдрүүдийг, тав болон есдүгээр сарын гурав дахь долоо хоногийн амралтын өдрүүдэд тэмдэглэнэ гэсэн заалт нэмэх тухай аж.

Хуулийн төслийг УИХ-ын Төрийн байгуулалтын байнгын хорооны гишүүдийн 66.7 хувь нь хэлэлцэхийг дэмжсэн юм. Хуулийн төслийг хэрэгжүүлснээр ямар нэгэн зардал гарахгүй бөгөөд бүх нийтийн амралтын өдөр болгохгүй гэдгийг УИХ-ын гишүүн Б.Саранчимэг тодотгов.

Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төслийг тогтоолын төслийг хэлэлцэж, гишүүдийн олонх дэмжсэнээр анхны хэлэлцүүлэгт бэлтгүүлэхээр холбогдох байнгын хороонд шилжүүлэв.  

15:40 2021/06/17

“Монгол хүний удмын сангийн аюулгүй байдлыг хамгаалах, хүн амын өсөлтийг дэмжих талаар авах арга хэмжээний тухай” Улсын Их Хурлын тогтоолын төслийг хэлэлцэж байна.  

Хуулийн төслийн танилцуулгыг УИХ-ын гишүүн Г.Тэмүүлэн хийв. Тэрбээр "Тогтоолын төсөл 2 заалт, 7 дэд заалттай бөгөөд улс орны аюулгүй байдлын нэн чухал асуудал болох монгол хүний удмын сангийн аюулгүй байдал болон нөхөн үржихүйг хамгаалах, хүн ам зүй, гэр бүлийн хөгжлийг дэмжих замаар монгол хүний оюуны чадавхи, бүтээмж, өрсөлдөх чадвар, хүн амын өсөлт, үндэстний дархлааг бэхжүүлэх зорилгоор авч хэрэгжүүлэх арга хэмжээг Засгийн газарт даалгаж, тогтоолын хэрэгжилтэд хяналт тавьж ажиллахыг холбогдох Байнгын хороонд даалгасан зохицуулалтыг тусгасан.

Тогтоолын төсөл батлагдсанаар өрх бүр “Угийн бичиг” хөтлөх, монгол хүний удмын сангийн аюулгүй байдлыг хамгаалах, үндэстний дархлааг бэхжүүлэх зэрэг ач холбогдолтой" хэмээн дурдав.

10:54 2021/06/17

УИХ-ын чуулганы хуралдаанаар Виртуал хөрөнгийн үйлчилгээ үзүүлэгчийн тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна.

ХЗДХ-ийн сайд Х.Нямбаатар уг хуулийн төслийг танилцууллаа.

Тэрбээр "Виртуал хөрөнгө нь шинэ техник технологийн хөгжлийг дагаж үүссэн. Түүнийг дагаад гарах эрх зүйн зохицуулалтууд нэмэгдэх хандлагатай байна. Криптовалютын үйл ажиллагаа явуулдаг хэд хэдэн цахим хуудас, АТМ-ын үйл ажиллагаа явуулж байгаа бөгөөд үүнтэй холбоотой үйлчилгээ нь Монгол Улсад хүлээн зөвшөөрөгдөх төлбөр тооцооны үйлчилгээнд хамаарахгүй. Мөн аль нэг байгууллагын зохицуулалт байхгүй, эрх зүйн орчин ч бүрдээгүй байна.

Харин иргэд, хуулийн этгээд нь зөвхөн өөрийн сонголтоор Биткойн арилжаа хийж байна. Уг үйл ажиллагааг зохицуулах эрх зүйн зохицуулалт байхгүй байгаа нь уг санхүүгийн үйлчилгээг үзүүлэгчид тооцох хариуцлагын тогтолцоогүй, виртуал хөрөнгө эзэмшигч өмч хөрөнгөөрөө хохирсон тохиолдолд маргааныг хэрхэн шийдвэрлэх нь тодорхойгүй байна. Түүнчлэн тухайн технологийг буруугаар ашиглан мөнгө угаах, терроризмыг санхүүжүүлэх эрсдэлийг үүсгэж байна.

Монгол Улсад виртуал хөрөнгөтэй холбоотой үйл ажиллагаа эрхлэх эрх зүйн орчныг бүрдүүлж, терроризмыг санхүүжүүлэх, мөнгө угаах гэмт хэргийн эрсдэлээс сэргийлэх, эрсдэлтэй орны тоонд оруулахаас зайлсхийх үүднээс Виртуал хөрөнгийн үйлчилгээ үзүүлэгчийн тухай хуулийн төслийг боловсрууллаа.

Уг хуулийн төслийн зорилт нь виртуал хөрөнгийн үйлчилгээ үзүүлэгч этгээдийг бүртгэх, үйл ажиллагаанд нь хяналт тавих, этгээдийн эрх үүргийг тодорхойлох харилцааг зохицуулна.

Хуулийн төсөлд виртуал хөрөнгийн үйлчилгээ үзүүлэгчийг олон улсын жишигт нийцүүлэн тодорхойлсон" гэв. 

Виртуал хөрөнгийн үйлчилгээ үзүүлэгчийн тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж, гишүүдийн олонх хэлэлцэх нь зүйтэй гэж үзсэн тул анхны хэлэлцүүлэгт бэлтгүүлэхээр холбогдох байнгын хороонд шилжүүллээ. 

x