COVID-19-ийн үед болон дараа нь "Буянт-Ухаа" нисэх буудлаар үйлчлүүлэхэд аюулгүйг баталгаажуулсан байна
“Буянт-Ухаа” нисэх буудал Олон улсын нисэх буудлуудын зөвлөлөөс эрүүл мэндийн магадлан итгэмжлэгдсэн гэрчилгээ хүлээн авчээ.
Энэ нь эрүүл мэндийн магадлан итгэмжлэгдсэн нисэх буудал болсноор зорчигч, жуулчид COVID-19 цар тахлын үед болон дараа нь “Буянт-Ухаа” Олон улсын нисэх буудлын барилга байгууламжаар үйлчлүүлэхэд аюулгүй хэвээр байгаагийн баталгаа юм. Мөн зорчигчдод эрүүл мэндэд учрах эрсдэлийг бууруулахын тулд урьдчилан сэргийлэх арга хэмжээг олон улсын стандартын дагуу авч буй жуулчинд ээлтэй нисэх буудал болж байна.
Олон улсын нисэх буудлуудын зөвлөлөөс “Нисэх буудлын эрүүл мэндийн магадлан итгэмжлэл хөтөлбөр”-ийг хэрэгжүүлж буй. Тус хөтөлбөрт хамрагдсанаар Олон улсын иргэний нисэхийн байгууллагын Нисэхийн салбарын үйл ажиллагааг дахин сэргээх ажлын хэсгийн гаргасан зөвлөмж, нисэхийн эрүүл мэндийн аюулгүй байдлын протоколтой уялдуулан зорчигчдод аюулгүй, ээлтэй үйлчилгээ үзүүлэгч нисэх буудал болохоо батлан, COVID-19 цар тахлын эсрэг хэрэгжүүлж буй салбарын шилдэг туршлагуудыг бусад орны нисэх буудлууд хоорондоо хуваалцахад чухал ач холбогдолтой гэж ИНЕГ-аас мэдээлэв.
