ХУУЧИРСАН МЭДЭЭ: 2021/03/25-НД НИЙТЛЭГДСЭН
ХӨСҮТ-д хадгалж буй Pfizer вакцины хүйтэн хэлхээний горимд шалгалт хийжээ
iKon.MN
Эх сурвалж: МХЕГ
Монгол Улс КОВАКС хөтөлбөрийн хүрээнд 25,740 тун АНУ-ын Pfizer/BioNTech вакциныг хүлээн авахад МХЕГ, Буянт-Ухаа боомт дахь Хилийн Мэргэжлийн хяналтын албанаас баримт бичгийн хяналт шалгалт хийж халдваргүйжүүлсэн байна.
Уг вакциныг ХӨСҮТ-ийн вакцины төв агуулахад тээвэрлэлтийн савлагаанаас гарган гүн хөлдөөгчид шилжүүлэх явцад НМХГ, Буянт-Ухаа боомт дахь Хилийн Мэргэжлийн хяналтын албанаас шалгалт хийжээ. Ингэхэд Pfizer вакцины хүйтэн хэлхээний горим алдагдаагүйг мэдэгдлээ.
Монгол Улсад одоогийн байдлаар таван улсаас импортлогдсон, коронавируст халдвар /SARS-COV-2/-ын эсрэг дөрвөн нэрийн, нийт 510.1 мянган тун вакцин хүлээн авахад Мэргэжлийн хяналтын байгууллагаас хяналт шалгалт хийж ХӨСҮТ-ийн вакцины төв агуулахад шилжүүлжээ.
Эх сурвалж: МХЕГ
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
