2021/06/15
Америк доллар
МОНГОЛ БАНК:
2,849.03₮
B30
УЛААНБААТАР
17°
|
11°
B30
УЛААНБААТАР
14°
|
B30
УЛААНБААТАР
16°
|
18:00
S40
11°
19:00
S40
11°
20:00
S40
10°
21:00
S40
22:00
S29
23:00
S29
00:00
S29
01:00
S29
02:00
S29
03:00
S29
04:00
S26
05:00
S26
Энэ мэдээ хуучирсан буюу 2021/03/24 -нд нийтлэгдсэн мэдээ болно.

Энэ зууны сүүлээр жилийн хугацааны талыг зуны улирал эзэлдэг болно гэж судлаачид тооцоолжээ

С.Мөнхцэцэг, ikon.mn
2021 оны 3 сарын 24
iKon.MN
Зураг

Хэрвээ уур амьсгалын өөрчлөлт энэ хэвээр үргэлжилбэл 21 дүгээр зууны сүүлээр жилийн хугацааны талыг зуны улирал эзэлдэг болно гэж Хятадын эрдэмтэд дүгнэжээ.

Сүүлийн 60 жилийн хугацаанд дэлхий даяар зуны улирал дунджаар 17 өдрөөр сунжирсан тухай тэдний саяхан нийтлүүлсэн судалгааны тайланд өгүүлсэн байна.

“Дэлхийн дулаарлын улмаас зун улам урт, халуун болж, өвөл улам богино, дулаан болж байна” гэж судалгааг ахалсан эрдэмтэн Юпинь Гуан бичжээ.

Улирлын энэ өөрчлөлт хүмүүсийн эрүүл мэнд, байгаль орчин, хөдөө аж ахуйд том нөлөө үзүүлэхээр байгааг эрдэмтэд онцолсон байна.

Тухайлбал шумуулаар дамждаг халдварт өвчний тархалт нэмэгдэж, улирлын чанартай харшлын өвчлөл улам хүндэрч, үр тарианы ургах хугацаа сунжирснаар ургацын гарцад нөлөөлөх гэнэ.

Компьютер загварчлалын аргаар гаргасан тооцооллоор 1952-2011 оны хооронд зуны улирал 78 өдрөөс 95 өдөр болж сунжирсан бол хавар, намар, өвлийн улирлууд тус бүр 124-өөс 115, 87-оос 82, 76-аас 73 өдөр болж богиноссон байна.

Одоогийн байдлаар дэлхийн бөмбөрцгийн хойд хагасын ихэнх бүс нутагт зуны улирал илүү урт үргэлжилдэг болоод байгаа ажээ. Тухайлбал Газар дундын тэнгисийн бүс нутгийн зун 1950-аад оноос хойш 10 жил тутамд найман өдрөөр сунасан нь хамгийн эрчимтэй өөрчлөлт юм байна.

Энэ хугацаанд бас дэлхийн хуурай газрын болон далай тэнгисийн жилийн дундаж температурын хэмжээ байнга өссөн байна. Хамгийн сүүлд 1970-аад оны сүүлээр дэлхийн дунджаас сэрүүн жил болсон бөгөөд түүнээс хойш 40 гаруй жилийн турш температур тасралтгүй өсчээ.

Дэлхийн дулаарлыг түргэсгэж байгаа гол хүчин зүйл нь агаар мандал дахь хүлэмжийн хийн ялгарал юм. Тиймээс бүх улс орнууд Парисын Уур Амьсгалын Гэрээнд нэгдэж, хүлэмжийн хийн ялгаруулалтаа бууруулах амлалт аваад байна.

 

Эх сурвалж: CNN

 

x