БЗД-ийн 26 дугаар хороонд маргааш өглөө 06:00 цагаас 21-ний 23:00 цаг хүртэл хатуу хөл хорио тогтооно. Хан-Уулын 15 дугаар хороонд хөл хорио тогтоох хугацаа хойшлогджээ
00:30 2021/03/17
Албаны эх сурвалжийн мэдээлснээр Хан-Уул дүүргийн 15 дугаар хорооны нутаг дэвсгэрт маргаашаас эхлэн хөл хорио тогтоох хугацаа хойшлогдсон байна. Учир нь тус дүүргийн онцгой комисс бэлтгэл ажлаа сайн хангах хэрэгтэй гэж үзжээ.
22:40 2021/03/16
Баянзүрх дүүргийн 26 дугаар хорооны нутаг дэвсгэрт гуравдугаар сарын 17-ны өдрийн 06:00 цагаас гуравдугаар сарын 21-ний 23:00 цаг хүртэл хязгаарлалтын дэглэм тогтоох болсныг албаны эх сурвалж хэлэв.
Хязгаарлалтын дэглэм тогтоосон үед тухайн хорооны 18-аас дээш насны иргэдийг PCR шинжилгээнд хамруулж, зорилтот бүлгийн болон 50-65 насны иргэдийг вакцинжуулж, халдваргүйжүүлэлт ариутгал хийх ажлыг үе шаттайгаар төлөвлөжээ.
Хатуу хөл хориотой холбогдуулан дараах санамжийг хүргэж байна.
- Хүнсний дэлгүүр, эмийн сангаар үйлчлүүлэхдээ халдвар хамгааллын дэглэм чанд сахиж, хүн хоорондын зайг барих
- Эмнэлгийн тусламж үйлчилгээ шаардлагатай тохиолдолд өрхийн эмнэлэгт хандаж холбогдох бичиг баримт авч хязгаарлалтын дэглэм тогтсон бүсээс гарах бүртгэл хийлгэх
- Онцын шаардлагагүй бол гэрээсээ гарахгүй байх
- Хатуу хөл хорио тогтоосон тав хоногт архи, согтууруулах ундааны төрлийн зүйлийг худалдахгүй, хэрэглэхгүй байх
- Мэргэжлийн байгууллагын алба хаагчдын тавьсан шаардлагыг иргэний үүргээ ухамсарлан биелүүлэх
- Хязгаарлалтын дэглэм, хөл хорионы хугацаа дуусаж, цагдаагийн хамгаалалт буусан үед Нийслэлийн Засаг даргын 2021 оны гуравдугаар сарын 14-ний өдрийн А\161 дүгээр захирамжийг мөрдөж хэвийн горимд шилжинэ
Баянзүрх дүүргийн 26 дугаар хорооны нутаг дэвсгэр:
00:30 2021/03/17
Албаны эх сурвалжийн мэдээлснээр Хан-Уул дүүргийн 15 дугаар хорооны нутаг дэвсгэрт маргаашаас эхлэн хөл хорио тогтоох хугацаа хойшлогдсон байна. Учир нь тус дүүргийн онцгой комисс бэлтгэл ажлаа сайн хангах хэрэгтэй гэж үзжээ.
