Уншиж байна ...
Зураг
Зураг
ХУУЧИРСАН МЭДЭЭ: 2021/01/19-НД НИЙТЛЭГДСЭН

"Коронавируст халдвар дамжих хамгийн өндөр эрсдэл нь бохир гараараа ам, хамар, нүдэндээ хүрэх явдал"

Д.Янжиндулам, ikon.mn
2021 оны 1 сарын 19
iKon.MN

Эрүүл мэндийн яамны ээлжит зөвлөгөөний цагаар ХӨСҮТ-ийн нэгжийн дарга Н.Сувдмаа оролцож, мэдээлэл өглөө.

ВИДЕО:

https://www.facebook.com/www.mohs.mn/videos/772019630091015

Тэрбээр “Коронавируст халдвар дамжих хамгийн өндөр эрсдэл нь бохирлогдсон гараа ам, хамар, нүдэндээ хүрэх явдал юм. Тиймээс халдвараас сэргийлэх энгийн аргын нэг нь гараа зөв угаах дадал хэвшил юм.

Гарын эрүүл ахуйг сахихад гараа савандаж угаах, спиртэд суурьтай гар халдваргүйжүүлэгч хэрэглэх нь хэн ч хэрэглэж болохуйц, хүртээмжтэй хямд төсөр арга билээ.

Иймд албан байгууллагууд болон иргэд гэрээ гар угаах нөхцөлийг бүрдүүлэх нь чухал.

Коронавируст халдвараас сэргийлэхийн тулд нийгмийн харилцаанд орж байгаа мөч бүхэндээ буюу бохирдсон тухай бүрд нь угааж байх шаардлагатай. Гар угаах зааврыг дарааллын дагуу хэрэгжүүлэхгүй ч гэсэн алхам бүрийг нь заавал хэрэгжүүлэн гараа угаах ёстой.

Гарыг буруу, дутуу эсвэл дарааллын дагуу угаагаагүйн улмаас бохирдол ямар нэг байдлаар үлдэж байдаг.

(Буруу угааснаар гарын аль хэсэгт бохирдол үлддэг болохыг зургаас харна уу)

 

Гарыг савандаж угаахад зайлшгүй анхаарах ёстой зүйлс:

  • 30 секундын турш угаах
  • Савандаж угаах
  • Бүлээн усаар угаах
  • Мөн дарааллын дагуу зөв угаах ёстой.

Түүнээс гадна спиртэн суурьтай гар халдваргүйжүүлэгчийг зөвхөн нүдэнд ил харагдахуйц бохирдолгүй, биологийн шингэнээр бохирлогдоогүй үед хэрэглэж болно.

Спиртэн суурьтай халдваргүйжүүлэгчийг хэрэглэх алхам:

  1. Спиртийг хатах хүртэл гараа хооронд нь үрсээр байх
  2. Хэрвээ ССГХ уусмал хүрэлцээтэй хэмжээгээр хэрэглэсэн бол 15 секунд гараа хуурай болтол үрнэ.
  3. Спиртийг бүхэлдээ хуурай болохоос өмнө бээлийгээ өмсөх хэрэгтэй” гэсэн зөвлөгөөг өглөө.