Уншиж байна ...
Зураг
Зураг
ХУУЧИРСАН МЭДЭЭ: 2020/12/28-НД НИЙТЛЭГДСЭН

УИХ-ын гишүүн Б.Пүрэвдорж зөрчлийн тухай хуулиар шийтгүүлэн 10 хүртэл сая төгрөгөөр торгуулсан иргэн, ААН-ийг өршөөлд хамруулах хууль санаачилжээ

А.Төгөлдөр, iKon.mn
2020 оны 12 сарын 28
iKon.MN
Зураг зураг
mpa.mn

УИХ-ын гишүүн Б.Пүрэвдорж "Зөрчлийн тухай хуулиар шийтгэгдсэн иргэн, хуулийн этгээдэд өршөөл үзүүлэх тухай" хуулийн төсөл өргөн барих гэж буй талаараа мэдээлэл хийлээ. 

Уг хуулийн төсөлд Зөрчлийн тухай хуулиар шийтгэгдэн 10 хүртэл сая төгрөгөөр торгуульсан иргэн болон ААН-үүдийг өршөөлд хамруулахаар заажээ. 

УИХ-ын гишүүн Б.Пүрэвдорж “2017 оны долдугаар сарын 1-нээс хэрэгжиж эхэлсэн Зөрчлийн тухай хуулиар давхардсан тоогоор дөрвөн сая иргэн 650 орчим тэрбум төгрөгөөр торгуулсан байна. Энэ хууль бол төсвийн цоорхойг нөхөх хэмжээний өндөр торгуультай, иргэдийн амьдралд хүндрэл учруулсан хууль болчихоод байна. Цар тахлын үед иргэдийн орлого буурсан байхад Өршөөлийн тухай хууль нэн чухал гэж үзэж байгаа. Олон иргэн зөрчлийн тухай хуулиар торгуулдаг, цагдаа нарыг иргэдийг торго, төлөвлөгөө гүйцэтгэ гэж дарамталдаг.

Тиймээс Өршөөлийн тухай хууль өргөн барьснаар ойрын үед торгуулж байгаа иргэдэд үйлчилнэ. Сая гаруй иргэн энэ хуульд хамрагдана гэсэн судалгаа байгаа. Харин том аж ахуй нэгжүүдэд үйлчлэхгүй бөгөөд 5-10 сая төгрөгийн торгуультай иргэн аж ахуйн нэгж хамрагдана. 10-аас дээш сая төгрөгийн торгуультай аж ахуй нэгж, иргэнд үйлчлэхгүй” гэлээ.