"Халуурах, хамраас нус гоожих шинж тэмдэг илэрвэл 119, 1800-0119 дугаарт холбогдож зөвлөгөө авах шаардлагатай"
Иргэд амны хаалт заавал зүүж, гар ариутгагч хэрэглэх шаардлагатайг Эрүүл мэндийн яамны хэлтсийн дарга Д.Нарангэрэл анхааруулав.
Тэрбээр "Бүх нийтийн бэлэн байдлын зэрэгт шилжсэнтэй холбоотойгоор зөвхөн хүнсний худалдааны төвүүд ажиллаж байгаа. Иргэд тус төвүүдээр үйлчлүүлэхдээ амны хаалт заавал зүүж, гар ариутгагч хэрэглэх, хүн хоорондын зайг барьж, бага насны хүүхдийг дагуулж явахгүй байх зэрэг дэглэмийг сахих шаардлагатай.
Харин худалдаа эрхлэгчид амны эсвэл нүүрний хаалт заавал зүүх, гараа сайтар савандаж угаах, COVID-19-ийн талаарх мэдээлэлтэй байх нь зүйтэй.
Хэрвээ үйлдвэр, худалдааны байгууллагад ажиллаж байгаа хүнээс ямар нэг байдлаар халуурах, хамраас нус гоожих зэрэг амьсгалын замын шинж тэмдэг илэрвэл 119, 1800-0119 дугаарт холбогдож мэргэжлийн зөвлөгөө авах хэрэгтэй.
Худалдааны байгууллагад ажиллаж байгаа хүмүүс аль болох биеийн эрүүл мэнддээ анхаарч, үйлчлүүлэгчдийн бөөгнөрөл үүсгэхгүй байхаар тусгай тэмдэг, тэмдэглэгээ тавих, амталгаат худалдаа хийхгүй байх, хүмүүсийг олон бараанд зэрэг хүргэхгүй байх, өөрсдөө бээлий өмсөж, сагс, түрдэг тэрэг зэргийг ариутгаж халдваргүйжүүлнэ үү" хэмээн хэллээ.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
