"Монгол, Германы хамтын ажиллагааг олон улсын тавцанд бэхжүүлж, харилцан дэмжлэг үзүүлэх нь чухал"
Гадаад харилцааны дэд сайд Б.Мөнхжин ХБНГУ-аас Монгол Улсад суугаа Элчин сайд Ё.Розенбергийг 2020 оны 10 дугаар сарын 2-нд хүлээн авч уулзав.
Уулзалтаар Монгол, Германы харилцаа, хамтын ажиллагааны өнөөгийн байдал, энэ жил хэрэгжүүлэх зарим арга хэмжээний талаар санал солилцлоо.
Ковид-19 цар тахлын нөлөөг бууруулахын тулд улс орнууд харилцаа, хамтын ажиллагаагаа улам эрчимжүүлж, нягт хамтран ажиллахын зэрэгцээ хоёр талын хамтын ажиллагаагаа олон улсын тавцанд ч бэхжүүлж, харилцан дэмжлэг үзүүлэх нь чухал байгааг талууд мөн тэмдэглэв.
Эх сурвалж: Гадаад Харилцааны Яам
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
