89 сургууль, цэцэрлэг барих санхүүжилтыг АХБ гаргахаар боллоо
Боловсрол, шинжлэх ухааны сайд Л.Гантөмөр Азийн хөгжлийн банкны дэд захиралтай уулзаж, хөдөө орон нутаг, нийслэлд 89 сургууль, цэцэрлэг нэмж байгуулах ажилд санхүүгийн дэмжлэг хүслээ.
Энэ жил боловсрол, шинжлэх ухааны салбарт 100 орчим барилга шинээр ашиглалтад оруулж, хүлээн авсан юм. Үүнээс цэцэрлэг 24, ерөнхий боловсролын сургууль 18, дотуур байр тав, спорт заал тав бусад нь дээд сургуулийн өргөтгөл, 1000 оюутны байр, лаборатори, шинжлэх ухааны зориулалттай барилга байна.
Түүнчлэн энэ ондоо багтааж ахин 25 барилга хүлээн авах юм. Дээрх уулзалтын үр дүнд ирэх жил манай улсад Азийн хөгжлийн банкны санхүүжилтээр нэмж 89 сургууль, цэцэрлэг баригдахаар болж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
