Хичээлийн шинэ жил эхлэхэд хэдхэн хоног үлдлээ.
Цар тахлаас сэргийлэх өндөржүүлсэн бэлэн байдлын хугацаа үргэлжилж буй энэ цаг үед зургаан настнуудын ихэнх нь ямар нэг бэлтгэл, сургалтад хамрагдахгүйгээр Ерөнхий боловсролын сургуулийн нэгдүгээр ангид элсэн суралцах юм.
Цэцэрлэгтээ тоглож, унтаж дассан тэдэнд сургууль тэс өөр орчин байх нь дамжиггүй. Энэ үед зарим хүүхдийн сэтгэл санаа хямарч, шинэ орчинд дасахад хэсэг хугацаа шаардлагатай болох нь бий. Иймд хүүхдээ сургуульд ороход сэтгэл санааг нь хэрхэн бэлтгэх талаар сэтгэл зүйч Ц.Дэлгэрмэнд зөвлөж байна.