2020/08/06
Америк доллар
МОНГОЛ БАНК:
2,846.09₮
B30
УЛААНБААТАР
25°
|
16°
B30
УЛААНБААТАР
22°
|
14°
B30
УЛААНБААТАР
22°
|
12°
08:00
S30
16°
09:00
S30
17°
10:00
S26
18°
11:00
S26
18°
12:00
S26
18°
13:00
S26
18°
14:00
S26
19°
15:00
S26
20°
16:00
S30
22°
17:00
S26
23°
18:00
S30
22°
19:00
S30
20°

Татан авчрах хүмүүсийнхээ мэдээллийг ил тод болгохыг гадаадад гацсан иргэдийн ар гэр, төлөөлөл УОК-оос шаардлаа

Б.Билгүүн, iKon.mn
2020 оны 7 сарын 9
iKon.MN
Зураг
гэрэл зургийг MPA.mn

"Хилийн чанад дахь Монголчуудын зөвлөл" ТББ болон гадаадад гацсан иргэдийн ар гэрийн төлөөлөл гадаадад гацсан монголчуудын нөхцөл байдал хурцдаж байгаа талаар өнөөдөр мэдээлэл хийлээ.

Тэдний зүгээс үүсээд буй нөхцөл байдалтай холбоотойгоор УОК-т шаардлага хүргүүлж байгаа аж. 

"Гадаадад гацсан 12,000 бий. Эдгээр иргэд нь урт хугацаагаар амьдардаг иргэд биш зайлшгүй шаардлагаар түр хугацаагаар явсан хүмүүс"

 
гэрэл зургийг MPA.mn

Хилийн чанад дахь Монголчуудын зөвлөл ТББ-ын Удирдах зөвлөлийн гишүүн Б.Мөнхдөл “Гадаадад гацсан 12 мянган иргэн бий. Эдгээр иргэд нь урт хугацаагаар амьдардаг иргэд биш зайлшгүй шаардлагаар түр хугацаагаар явсан, Монгол Улсдаа амьдардаг хүмүүс. Ихэнх нь эрүүл мэндийн шалтгаан, зайлшгүй шаардлагатай ажлаар явсан хүмүүс. Тэгэхээр эх орноосоо зугатаж явчихаад одоо эх орондоо хайртай болсон юм уу гэж ташаа ойлгохгүй байхыг хүсье. Үүнээс гадна хэд хэдэн ташаа ойлголтыг зарлуулъя. Үүнд,

  • Ирж буй иргэд нь улсын зардлаар наашаа ирж байна гэдэг нь мөн ташаа ойлголт.
  • Үүнээс гадна Монгол Улсад иргэдээ авч ирэх хангалттай нөөц боломж байхад нөөц боломжоороо авч байна гэж ойлгуулаад байна. Гадаадын авиа компаниуд нисэхэд бэлэн байгаагаа мэдэгдсэн. Монгол Улсад ч өөр компаниуд байна. Энэ талаар УОК-т мэдэгдсэн боловч одоог хүртэл хариу өгөөгүй. 
  • Монголд тусгаарлах зочид буудлууд тохиролцож чадвал хангалттай бий. Зочид буудлуудын холбооноос хүртэл хүлээж авч болно гэдгээ хэлсэн байсан.

Тиймээс эдгээр иргэний гэр бүлийн төлөөлөл болон төрийн бус байгууллага хамтран онгоцонд суугаад ирж байгаа хүмүүсийн нэрсийг нээлттэй болгож, олон нийтийн хардалтыг арилгах зэрэг асуудлаар УОК-т шаардлага хүргүүлж байна. Шаардлагын тухайд,

  1. Татаж авах хүнийхээ тоог нэмэх
  2. Хилийн чанад дахь Монголчуудын зөвлөлТББ-аас УОК-т хөндлөнгийн хяналт оруулах
  3. Тусгаарлах байрны асуудлыг хурдан шийдэж өгөх" гэв. 

"Олон иргэн гудамжинд амьдарч байна. Энэ байдал цааш үргэлжилбэл ямар олон хүн хохирохыг хэлж мэдэхгүй"

 
гэрэл зургийг MPA.mn

Хилийн чанад дахь Монголчуудын зөвлөл ТББ-ын нарийн бичгийн дарга Б.Энхгэрэл “Хил хааснаас хойш 3,000 гаруй иргэн хандаж, манай байгууллага сайн дурын судалгаа 500 гаруй хүний авсан мэдээллээр дата цугларсан. Монгол иргэдээ таван шаардлагаар ялгаварлан үзэх нь буруу юм. Олон залуучууд оюутны байрнаасаа хөөгдсөн, виз нь цуцлагдах гээд байгаа зэрэг хүндрэлтэй тулгарч байна. Олон иргэн гудамжинд амьдарч байна. Энэ байдал цааш үргэлжилбэл ямар олон хүн хохирохыг хэлж мэдэхгүй” гэв.

x