Замын цагдаагийн ойролцоох шинэ гүүрийг "Олимпын" гэж нэрлэлээ

Гэрэл зургийг mpa.mn

Замын цагдаагийн гүүрэн гарц буюу Олимпын гудамж, Их Монгол Улсын гудамжийг холбосон, дөрвөн эгнээтэй, 477 метр урт, төмөр бетон гүүрийг өнгөрсөн онд ашиглалтад оруулсан. 

Шинэ гүүрт нэр оноож өгөөгүй байсан юм. Харин өнөөдөр болж буй НИТХ-ын Тэргүүлэгчдийн хурлаар энэ асуудлыг хэлэлцэж уг гүүрийг "Олимпын гүүр" гэж нэрлэх шийдвэр гаргасан байна.

Нийслэлд нэгээр нэмэгдсэн уг гүүрийн бүтээн байгуулалтыг Хятад, Монголын 500 гаруй инженер, техникийн ажилтантайгаар “Хятадын Төмөр замын 20-р товчоо корпораци” гүйцэтгэж, 100 жилийн баталгаа өгсөн юм.

Төслийн нийт төсөвт өртөг 42.38 сая ам.доллар байв.