Засгийн газраас Байгаль орчин, аялал жуулчлалын яамны Төрийн нарийн бичгийн даргаар Д.Ганболдыг томилжээ. Тэрбээр энэ сарын 5-ны өдөр тамгаа гардаж аван ажилдаа орсон байна.
Өмнөх дарга Ц.Цэнгэлийг Болгар улсад суух Элчин сайдаар томилохыг Засгийн газраас дэмжээд байгаа билээ.
Байгаль орчин, аялал жуулчлалын яамны Төрийн нарийн бичгийн дарга Д.Ганболд нь 1982 онд Хөвсгөл аймгийн Алаг-Эрдэнэ суманд төрсөн. Эхнэр, хүүгийн хамт амьдардаг. 2003 онд Монгол Улсын их сургуулийн Эдийн засгийн сургууль, 2014 онд Худалдаа үйлдвэрлэлийн дээд сургуулийг тус тус төгссөн. Статистик-эдийн засагч мэргэжилтэй, Эдийн засгийн ухааны магистр.