Хилийн боомтыг ЗГХЭГ хариуцахаар болов
Чуулганы хуралдаанаар Хилийн боомтын захиргаа нь хилийн боомтыг зөвхөн дамжин өнгөрөх, шалган нэвтрүүлэх бүс бус, эдийн засаг, бизнесийн хөгжлийн төв болгон хөгжүүлэх ажлын дагуу удирдлагыг хэнд шилжүүлэх вэ гэдэгт МАН болон Шударга ёс эвслийнхэн Хилийн боомтыг Шадар сайд толгойлох хэрэгтэй гэсэн санал гаргасан боловч олонхын дэмжлэг авч чадсангүй.
Ингэснээр анхны хувилбараар буюу ЗГХЭГ-т хэвээр үлдээх болов.
Түүнчлэн Хилийн боомтын захиргааг ЗГХЭГ-ын мэдэлд хэвээр үлдээх шийдвэр өчигдрийн чуулганы нэгдсэн хуралдаанаас гарсан юм.
Үүгээр ч зогсохгүй Хилийн боомтын даргыг Үндэсний зөвлөлийн гаргасан дүгнэлтээс үндэслэн ЗГЭХГ-ын дарга Ч.Сайханбилэг томилохоор боллоо.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
