Тэтгэврийн зээлийг тэглэх талаар Сангийн сайд мэдээгүй байжээ

Гэрэл зургийг mpa.mn

Тэтгэврийн зээлийг нэг удаа тэглэх тухай Ерөнхийлөгч Х.Баттулгын мэдэгдэл олон нийтийн дунд хэлэлцүүлэг өрнүүлээд байгаа билээ. Тэгвэл ҮАБЗ дээр гарсан эл шийдвэрийн талаар Сангийн сайд мэдээгүй байсан гэдгээ жиргээгээрээ илэрхийлжээ. Тэрбээр "Энэ өр тэглэх талаар та бид 2 бараг адилхан мэдээлэлтэй байна" хэмээн жиргээчийн асуултад хариулахдаа дурдсан байна. 

Түүнээс гадна Монгол Улсын 2020 оны төсөвт тэтгэврийн зээлийг тэглэхтэй холбоотой нэг ч төгрөг тусгаагүй. Цаашид төсөвт тодотгол ч хийхгүй гэдгийг Сангийн сайд мэдэгдсэн байна.

Тиймээс Сангийн яам энэ талаар ямар нэгэн зүйл төсөвлөж, төлөвлөөгүй гэсэн үг. Монголбанк ч мөн энэ шийдвэрийн талаар мэдээлэлгүй байсан бөгөөд зөвлөлдөөгүй гэдгээ илэрхийлээд буй.