Тэтгэврийн зээл нэмж олгохгүй байх үүргийг Монголбанкны ерөнхийлөгч банкуудад өгчээ

Гэрэл зургийг mpa.mn

Монголбанкны ерөнхийлөгч Б.Лхагвасүрэн нэмж тэтгэврийн зээл олгохгүй байх үүргийг арилжааны банкуудад албан бичгээр өгсөн байна. Энэхүү шийдвэр нь 2020 оны нэгдүгээр сарын 1-нээс хэрэгжинэ гэж ойлгож болох нь. 

Он солигдох мөчид Ерөнхийлөгч Х.Баттулга ахмад настнуудынхаа тэтгэврийн зээлийг нэг удаа тэглэх шийдвэр гаргаж буйгаа хэлсэн бөгөөд Салхитын мөнгөний ордыг эргэлтэд оруулснаар ийм шийдэлд хүрч, ҮАБЗ санал нэгдсэн гэдгийг мэдэгдсэн. 

Гэвч ҮАБЗ-ийн дагуу УИХ-ын гишүүн, Засгийн газар гэгчлэн хууль санаачлах эрхтэй этгээд төсөл боловсруулж, УИХ баталснаар биеллээ олох боломжтой. 

2019 оны арваннэгдүгээр сарын байдлаар улсын хэмжээнд 776 тэрбум төгрөгийн тэтгэврийн зээлийн үлдэгдэлтэй байгаа бөгөөд зээлийн дансны тоо 233,034 байна.

График 1, Тэтгэврийн зээлийн үлдэгдэл, хугацааны төрлөөр:

Өнөөдөр iKon.mn дээр явуулсан санал асуулгад 4,039 иргэн оролцож дийлэнх нь буюу 60 орчим хувь нь "Тэтгэврийн зээлийг тэглэх нь буруу, урт хугацааны хөгжлийн шийдэлд мөнгийг зарцуулах ёстой" гэсэн хариултыг сонгосон байв.