"Он гарах үед хөдөлгөөний ачааллаас хамаарч төв талбай орчмын замыг хаах эсэхийг шийднэ"
2019 оны арванхоёрдугаар сарын 31-нд буюу маргааш "Улаанбаатарын мөнгөн шөнө" баярын цэнгүүн Д.Сүхбаатарын талбайд болно.
Энэ үеэр замын хөдөлгөөнд ямар зохицуулалт хийх талаар Тээврийн цагдаагийн албаны Урьдчилан сэргийлэх хэлтсийн мэргэжилтэн, цагдаагийн ахлах дэслэгч Ч.Чимэдбатаас тодрууллаа.
Тэрбээр "Ойрын өдрүүдэд худалдааны төвүүд рүү чиглэсэн ачаалал их байна. Баярын өдрүүдээр Тээврийн цагдаагийн албаны 576 алба хаагч болон Дотоод хэргийн их сургуулиас 150 гаруй сонсогч үүрэг гүйцэтгэнэ.
Мөн баярын цэнгүүнтэй холбоотойгоор төв талбайн орчмын замаар хөдөлгөөнд зохицуулалт хийгдэнэ. Он гарах үед хөдөлгөөний ачааллаас хамаарч тухайн орчмын замыг хаах эсэхийг шийднэ. Хэрвээ хаасан тохиолдолд Авторадио 96.3-аар болон бусад хэвлэл мэдээллийн хэрэгслээр мэдээлнэ" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
