Үнэг шиг царайтай хүн дур булаам харагддаг
Хүн бүрийн хөөрхний үнэлэмж адилгүй. Гэхдээ эрдэмтэд туршилтын үндсэн дээр хүн ямар амьтантай төстэй харагдвал бусдад илүү дур булаам санагддагийг тогтоожээ.
Тухайлбал Анжелина Жолигийн үнэг шиг царай олны анхаарлыг өөрийн эрхгүй татдаг байна. Хүний нүүрний яс хөөрхөн эсэхийг нь тодорхойлж, өөрт тохирох нэгнээ олоход нь тусалдаг аж. Гэхдээ нүүрний хэлбэр үр тогтоох чадвар, нийгмийн байр суурь, эрүүл мэндийг нь илэрхийлж чадах болов уу.
Тэгвэл эрдэмтдийн тогтоосноор царайлаг төрх сайхан ааш занг илэрхийлдэг гэнэ. Биологийн антропологич Ирен Элиа дэлхийн хамгийн нөхөрсөг амьтан болох хар хүрэн үнэгийг судалжээ.
Тэрбээр энэ амьтны хавтгай нүүр, жижиг хамар, нарийн эрүү, том духыг олон хүнд аятайхан харагддаг болохыг олж илрүүлсэн байна. Яг үүн шиг хүн энэ үнэгтэй төстэй царайтай байх тусам царайлаг харагддаг аж. Үүнээс гадна найрсаг, эелдэг зантай байдаг.
Амьтны ертөнцөд эцэг эх болсон амьтад царай муутай үр удмаа голох нь элбэг. Яг үүн шиг хүмүүс ч гэсэн ил илэрхийлдэггүй боловч царайлаг хүүхдүүддээ бусдаас нь илүү хандаж, илүү хайртай байдаг гэнэ.
Доктор Элиагийн үзсэнээр царайлаг хүүхдүүд нөхөрсөг бөгөөд үеийнхэн дундаа илүү нэр хүндтэй байж, оюуны өндөр түвшинд хүрч, нийгмийн байр сууриа сайн олдог. Том болох тусам энэ чанар нь хөгждөг байна. Тиймээс үнэг шиг дур булаам төрхтэй хүмүүс ихэнхдээ аятайхан ааштай байдаг аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
