ХХБанк Нарантуул олон улсын худалдааны төвд шинэ салбараа нээлээ

Худалдаа, хөгжлийн банк Нарантуул олон улсын худалдааны төвийн бизнес эрхлэгчид болон Баянзүрх дүүргийн 18-р хорооны иргэдэд банкны үйлчилгээгээ хүргэх зорилготойгоор Баялаг Ундраа төвийн 1-р давхарт Нарантуул салбараа өнөөдөр буюу 2019 оны 12-р сарын 12-ны шинийн 15-ны билэгт сайн өдөр харилцагчдынхаа халуун алга ташилтын дунд нээлээ.

Тус салбар нь ХХБанкны хамгийн отгон салбар болон үйл ажиллагаагаа эхлүүлж байна. Салбар нээгдсэнээр Нарантуул олон улсын худалдааны төвийн бизнес эрхлэгчдийн БНХАУ-руу илгээх юанийн гадаад гуйвуулга, төлбөр тооцоо, олон улсын картын үйлчилгээ зэрэг өдөр тутмын бизнесээ, тасралтгүй явуулах боломжууд нэмэгдэж байгаад иргэд, бизнес эрхлэгчид баяртай байлаа.

Мөн Худалдаа, хөгжлийн банк бүх салбар, тооцооны төвүүдээ Олон улсын жишигт нийцүүлэн “Allen” стандартын загвараар шинэчлэн ажиллаж байгаа юм байна. Энэ жилийн хувьд Занабазар, 40-н мянгат зэрэг нийт 7-н салбараа олон улсын стандартын дагуу тохижуулан харилцагчдадаа илүү тав тухтай орчинд үйлчилж эхэлсэн байна.

2020 онд Худалдаа, хөгжлийн банкны 30-н жилийн ой тохиож байгаа бөгөөд ойн хүрээнд харилцагчид, иргэддээ зориулсан маш олон төрлийн шинэ бүтээгдэхүүн үйлчилгээ, урамшуулал болон нийгмийн сайн сайхны төлөө олон төсөл хөтөлбөрүүдийг санаачлан хэрэгжүүлэх болно.

Та бүхэн Нарантуул салбарын эрч хүчтэй, чадварлаг, найрсаг хамт олноос банкны бүхий л үйлчилгээг тав тухтай орчинд шуурхай хүлээн аваарай.

Харилцагч бүрдээ хүрч үйлчилнэ

Худалдаа, хөгжлийн банк

ХХБанкны сошиалд нэгдээрэй.