2019/11/21
Америк доллар
МОНГОЛ БАНК:
2,705.07₮
B30
УЛААНБААТАР
-2°
|
-13°
B30
УЛААНБААТАР
-13°
|
-14°
B30
УЛААНБААТАР
-17°
|
-22°
21:00
S29
-14°
22:00
S29
-9°
23:00
S26
-6°
00:00
S26
-7°
01:00
S26
-8°
02:00
S26
-9°
03:00
S26
-11°
04:00
S26
-12°
05:00
S26
-13°
06:00
S26
-15°
07:00
S26
-16°
08:00
S20
-16°

"Казахстанд байдаг Зүчи хааны бунхан орчмыг аялал жуулчлалын бүс болгон хөгжүүлэхээр төлөвлөж байгаа"

Г.Номин, iKon.mn
2019 оны 10 сарын 24
iKon.MN

Монгол Улсад томилогдон ирээд хоёр сар гаруй болж байгаа Элчин сайд Ж.Адилбаев БНКазУ-ын Ерөнхийлөгч К.Токаевын есдүгээр сард гаргасан "Ухаалаг нийгмийн яриа хэлэлцээ -Казахстаны тогтвортой байдал ба хөгжлийн үндэс" илгээлтийн гол үзэл баримтлал, БНКазУ-ын Анхны Ерөнхийлөгч Н.Назарбаевын дэлхийн цөмийн зэвсгийн эсрэг санаачилга болон Монгол Улсын Ерөнхий сайд У.Хүрэлсүхийн Казахстанд хийсэн албан айлчлалын талаар өчигдөр мэдээлэл хийсэн юм.

Элчин сайд Ж.Адилбаев "БНКазУ-ын Ерөнхийлөгчийн ард түмэнд хандсан илгээлт төр болон ард иргэдийн хоорондын итгэлцэл, харилцааг тодорхойлдог үр дүнтэй төрийн үзэл баримтлал юм. Илгээлтэд ард түмний аж амьдралыг дээшлүүлэхэд чиглэгдсэн таван тэргүүлэх чиглэлд анхаарал хандуулах тухай агуулга бий. Ялангуяа олон хүүхэдтэй өрхийг дэмжих бодлогыг эрчимтэй хэрэгжүүлэхээр болсон" гэдгийг хэллээ.

Мөн Казахстан дахь улс төр, эдийн засгийн шинэчлэлүүд болон улс оронд явагдаж буй "Оюун санааны шинэчлэл"-ийн явцын тухай танилцуулан, улсын тэргүүний зүгээс тус шинэчлэлд үндэсний үзэл санааны хувьд их ач холбогдол өгч байгааг онцоллоо.

"Алт цэвэршүүлэх үйлдвэрийн газар, санхүүжилт шийдэгдэн Казахстанаас ирсэн төлөөлөгчид УУХҮЯ-нд ажиллаж байна"
 

Үргэлжлүүлэн тэрбээр энэ сарын 10-12-ны өдрүүдэд БНКазУ-ын Ерөнхий сайд А.Мамины урилгаар Монгол Улсын Ерөнхий сайд У.Хүрэлсүхийн Казахстанд хийсэн албан айлчлалын талаар танилцуулав.

"25 жилийн дараа Ерөнхий сайдын түвшинд хийгдсэн уг айлчлалын үр дүнд хоёр улсын харилцаа шинэ шатанд гарсан гэж би харж байгаа. Монголын тал айлчлалд өндөр ач холбогдол өгч байгааг бид харсан. Ерөнхий сайд У.Хүрэлсүх Зүчи хаан нэртэй онгоцоор Казахстанд очсон.

Зүчи хааны бунхан Казахстан улсын нутаг дэвсгэрт, байгалийн маш үзэсгэлэнтэй газар байдаг. Ирэх жил бид Алтан ордны улсын 750 жилийн ойг тэмдэглэх гэж байна. Мөн Зүчи хааны бунхан орчмыг аялал жуулчлалын бүс болгон хөгжүүлэхээр төлөвлөж байгааг та бүхэнд дуулгая.

Айлчлалын үеэр хоёр улсын засгийн газрын тэргүүн нар худалдаа, эдийн засаг, дамжин өнгөрөх тээвэр, хөдөө аж ахуй, уул уурхай, соёл, хүмүүнлэгийн салбарууд дахь хамтын ажиллагааг цаашид улам хөгжүүлэх, түүнчлэн бүс нутгийн болон олон улсын байгууллагуудын хүрээнд хамтран ажиллах механизмуудын талаар хэлэлцсэн.

Миний бодлоор бизнес форум маш үр дүнтэй зохион байгуулагдсан. Энэ удаагийн бизнес форум илэн далангүй, ажил хэрэгч бөгөөд олон гэрээ хэлцэл зурагдсан онцлогтой байлаа. Бидний зүгээс форумын үеэр байгуулагдсан гэрээ хэлцлийг ажил хэрэг болгохын тулд хүчин чармайлт гарган ажиллаж байгаа. Тухайлбал, айлчлалын үеэр гэрээ нь байгуулагдсан Алт цэвэршүүлэх үйлдвэрийн ажлаар Казахстанаас ирсэн төлөөлөгчид УУХҮЯ-нд ажиллаж байна. Үйлдвэр барих газар, санхүүжилтийн асуудал шийдэгдсэн.

Мөн ирэх онд БНКазУ-ын Ерөнхий сайд А.Мамин Монгол Улсад айлчлал хийнэ. Дараа нь Засгийн газар хоорондын комисс хуралдана. Цаашлаад бид ирэх онд хоёр орны төрийн тэргүүний хэмжээний буюу өндөр дээд хэмжээний айлчлалыг хийх хүлээлттэй байгаа.

Манай хоёр улсыг зөвхөн найрсаг дипломат харилцаа холбож байгаа биш. Та бүхний мэдэж байгаачлан Баян-Өлгий аймагт 102 мянга орчим казах ястан амьдарч байна. Тэдгээр казах ястнуудад өөрийнхөө хэл, соёлыг хадгалах боломж нөхцлөөр хангаж ирсэнд Казахстаны талаас Монгол Улсын талд үргэлж талархаж байдаг.

Хоёр талт найрсаг харилцаа жилээс жилд өргөжин тэлж, бэхжихийн бас нэг илрэл нь энэ оны зургаадугаар сараас Улаанбаатар-Нур-Султаны чиглэлд SCAT Airlines компани тогтмол шууд нислэг үйлдэж байгаа явдал юм. Энэ нь иргэд хоорондын харилцааг өргөжүүлж, үүний үр дүнд хоёр талт худалдаа эдийн засгийн харилцаа идэвхжинэ. Тун удахгүй Улаанбаатар-Алматы чиглэлд шууд нислэг хийж эхлэхээр төлөвлөж байгаа. Мөн газраар 49 км яваад хил нэвтрэх боломжтой. Энэ чиглэлд төмөр зам тавих асуудлыг судалж байна" гэдгийг хэлж байлаа.

x