2019/11/17
Америк доллар
МОНГОЛ БАНК:
2,702.99₮
B30
УЛААНБААТАР
-19°
|
-24°
B30
УЛААНБААТАР
-17°
|
-28°
B30
УЛААНБААТАР
-12°
|
-22°
07:00
S29
-20°
08:00
S29
-21°
09:00
S26
-23°
10:00
S26
-23°
11:00
S26
-22°
12:00
S26
-21°
13:00
S26
-20°
14:00
S26
-19°
15:00
S30
-19°
16:00
S30
-20°
17:00
S30
-21°
18:00
S29
-22°

Шинээр гүйлгээнд гарч буй гурван хэлхээ марк

www.ulaanbaatar.mn
2019 оны 10 сарын 21
ulaanbaatar.mn

“Нийслэл Улаанбаатар хотын 380 жилийн ой” шуудангийн маркийг өнөөдөр танилцууллаа.

Засгийн газрын тогтоолоор батлагдсан 2019 оны маркийн сэдвийн төлөвлөгөөний дагуу 1,053 дахь маркийг ийнхүү танилцуулж, шуудангийн үйлчилгээнд нэвтрүүлж байгаа аж.

Нийслэлийн Засаг дарга бөгөөд Улаанбаатар хотын Захирагч С.Амарсайхан “Монгол Улс 1924 онд анхны маркаа гаргаж байсан түүхтэй. Марк гэдэг тусгаар тогтносон улсын билэгдэл юм. Нийслэлийн 380 жилийн түүхт ойн арга хэмжээг тохиолдуулан тав дахь маркаа танилцуулж байгаад баяртай байна. Түүхт 380 жилийн ойг тэмдэглэж өнгөрөхөөс илүүтэйгээр түүхийн өв соёлоо сэргээх, хойч үедээ хадгалан үлдээсэн бүтээлч ажлуудыг хийхээр бид зорьж байна.

Шуудангийн марк нь зөвхөн төлбөрийн баталгаа болох төдийгүй улс орны түүхэн хөгжлийн баримт, соёлын  өв, урлагийн бүтээл, байгаль, ан амьтан, ёс заншил сурталчлах хэрэгсэл, үзэсгэлэн болон музейн ховор үзмэр, марк сонирхон цуглуулагчдын цуглуулгын үнэт зүйлс, бизнес арилжааны чухал төрөл зүйлийн үүргийг гүйцэтгэдэг.

Улаанбаатар хотын хувьд  өмнө нь  1974, 1984, 1999, 2014 онуудад тус тус дөрвөн удаа марк хэвлүүлж байсан бол та бид гүйлгээнд гаргахаар нээлтэнд нь оролцож байгаа “Нийслэл Улаанбаатар хотын 380 жилийн ой”-д зориулан гаргаж байгаа 3 ширхэг хэлхээ маркийн хувьд тав дахь удаагаа шинээр гаргаж байгаа марк юм.  

 

Шинэ марканд Нийслэл Улаанбаатар хотын түүхт 380 жилийн ойн лого болох үл тасрах, өнөд үргэлжлэхийн бэлгэдэл өлзий хээнд суурилуулж, Халхын анхдугаар богд Өндөр гэгээн Занабазарын өөрөө тодорсон гэх Соёмбо үсгийн тэгийг баримтлан, нийслэлийн шавыг анх тавьсан  тэртээх 1639 он, дунд нь “Улаанбаатар” төгсгөлд нь 2019 он гэж бичсэн логог байршуулснаараа онцлог юм” гэв.

Шинээр гүйлгээнд гарч буй гурван хэлхээ маркны зургийн тухайд “Москвагийн гэрэл зурагчин 1874 онд "Өргөө" хотын гэрэл зургийг анх буулгасан байдаг. Түүний авсан нийслэл хотын анхны зураг, Бөмбөгөр ногоон театр болон Социалист Монгол орныг төлөөлсөн хийгээд өнөөдрийн Монгол орныг харуулсан гэрэл зургуудыг шинэ марканд багтаасан” хэмээн Улаанбаатар хотын музейн захирал С.Цацрал тайлбарлалаа.

Шинэ марк танилцуулах нээлтийн үеэр Монгол маркийн музейд хадгалуулах анхны өдрийн дугтуйнд гарын үсэг зурж тамгалах ёслол хийж, хүрэлцэн ирсэн зочдод марк, дугтуйн дээжээс бэлэглэв.

x