Ази, Номхон далайн орнуудын хөрөнгө буцаах байгууллагууд хоорондын сүлжээ(ARIN)-ний VI Бүгд хурал есдүгээр сарын 23-24-нд Улаанбаатар хотноо болж байна. Энэхүү хуралд 22 улс, олон улсын таван байгууллага, Монгол Улсын төрийн долоон байгууллагын 110 орчим төлөөлөгч оролцож байгаа юм. 

Монгол Улсын хилээр хууль бусаар гарсан динозаврын ясыг БНСУ-аар дамжин гарах гэж байхад нь Өмнөд Солонгосын тал манай улсад эргүүлэн авчирч байсан

АТГ-ын дарга, тэргүүн комиссар З.Дашдаваа уг хурлыг нээхдээ “Анх 2013 онд БНСУ-ын Прокурорын дээд газрын санаачилгаар Ази, Номхон далайн бүс нутагт эрүүгийн хэргийн асуудлаар байгууллага хооронд мэдээлэл шуурхай солилцох, гэмт хэргийн замаар олсон хууль бус хөрөнгийг царцаах, буцаах чиг үүрэгтэй энэхүү сүлжээг бий болгосон. Тэр цагаас хойш бүс нутагт хөрөнгө буцаах асуудлаар олон удаагийн уулзалт, сургалт зохион байгуулагдаж, улс орнууд идэвхтэй оролцож ирсэн ба сүлжээнд одоогоор 24 улс, олон улсын есөн байгууллага ажиглагчаар нэгдээд байна. 

Гэрэл зургийг mpa.mn

Монгол Улсын хувьд 2013 онд элссэн бөгөөд Индонез улсын Бали хотноо өнгөрсөн арваннэгдүгээр сард болсон Хөрөнгө буцаах байгууллагуудын V их хурлаас тус сүлжээний 2019 оны даргалагч улсаар сонгогдсон юм. Бидэнд энэхүү сүлжээг ашиглан БНСУ-ын Прокурорын дээд байгууллагатай хамтран Монгол Улсад орж ирсэн хууль бус хөрөнгө оруулалтыг олж тогтоон таслан зогсоож, эх оронд нь буцаасан, мөн Монгол Улсын хилээр хууль бусаар гарсан динозаврын ясыг БНСУ-аар дамжин гарах гэж байхад нь Өмнөд Солонгосын тал таслан зогсоож, манай улсад эргүүлэн авчирч байсан сайн туршлага бий. Энэ бүхэн ARIN сүлжээ ашиглан шуурхайн харилцан мэдээлэл солилцсоны үр дүн” хэмээн онцоллоо. 

Б нь хууль бус гэмт хэргийн үйл ажиллагааны хөрөнгөөр 26 байр худалдан авч, уул уурхайн хоёр лиценз авсныг бүгдийг нь битүүмжилсэн

Монгол Улсын хувьд хөрөнгө буцаах тогтолцооны талаар Улсын Ерөнхий прокурорын газрын прокурор Б.Цэцэгмаа танилцуулав. 

Энэ сүлжээгээр дамжуулан гэмт хэргийг илрүүлэх чиглэлээр гишүүн орнуудтай хамтын ажиллагаагаа амжилттай өрнүүлж эхэлсэн бөгөөд ЦЕГ энэ чиглэлээр хариуцсан албатай болсон талаар тэрбээр дурдаад “Монгол Улсад өмнө нь хөрөнгийг илрүүлэх, царцаах,  хураах зэрэг тогтолцоо байгаагүй бол бид уламжлалт мөрдөн шалгах арга барилаа өөрчлөөд өнөөдрийн өсөн нэмэгдэж буй аюул заналтай холбоотойгоор санхүүгийн мөрдөн шалгах үйл ажиллагааны арга зүйг нэвтрүүлж байгаа” гэлээ. 

• “Сүүлийн хоёр жилд авлигын гэмт хэргийн тоо үлэмж нэмэгдсэн бөгөөд авлигын хэрэгтэй холбоотой хөрөнгийг буцаах үйл ажиллагааны үр дүн болоод буцаагдсан хөрөнгийн хэмжээ нэмэгдсэн. 
• Монгол Улсад хөрөнгө буцаах үйл ажиллагааг эрчимжүүлж, тогтолцоогоо улам бүр  бэхжүүлэх үүднээс Монгол Улсад бодлогын чанартай хэд хэдэн баримт бичгүүдийг боловсруулж баталсан. Тухайлбал, Эрүүгийн байцаан шийтгэх тухай хуулийг шинэчилж, хөрөнгө буцаахтай холбоотой маш чухал заалтуудыг нэмж оруулсан. Тодруулбал, хурааж байгаа хөрөнгөөс хөрөнгө буцаахтай холбоотойгоор үйл ажиллагааны зардлыг нөхөж,  үлдсэн бусад хөрөнгийг улсын орлого болгох талаар тусгасан. 
• Хэрэв хөрөнгө буцаах үйл ажиллагаа нь Монгол Улсын аюулгүй байдалд ноцтой нөлөөлөхөөс бусад нөхцөлд бусад улс оронд царцаасан, буцаасан болоод хураасан хөрөнгийн талаарх мэдээлэлд бусад хамтын ажиллагаа бүхий байгууллагуудад хүргүүлж байгаа. 
• Мөн мөнгө угаах хэрэгтэй холбоотойгоор шинэ журам гарсан тул прокурорын удирдамж гарсан. Удирдамжид үр дүнтэй хөрөнгийг хураах үйл явц бүх арга хэрэгсэл, мөн түүнчлэн санхүүгийн мөрдөн шалгах ажиллагаа явуулж, холбогдох хөрөнгийг битүүмжилж хураах болон хууль бусаар олсон орлогыг хураах зэрэг үйл ажиллагааг тусгасан” гэхчлэн тэрбээр эрх зүйн хувьд бий болсон өөрчлөлтүүдийг тайлбарласан юм. 

Түүнчлэн:

Эрх зүйн харилцан туслалцаа үзүүлэх механизм тогтохоос өмнө бид ARIM, интерпол гэх зэрэг сүлжээгээрээ дамжиж хамтын ажиллагаагаа өрнүүлсэн билээ. Жишээ нь сүүлийн 2 жилд АТГ-аас мэргэжлийн сүлжээгээрээ дамжуулаад 70 гаруй мэдээллийг албан бус байдлаар авч, мэдээлэл солилцсон байдаг. Үүний үр дүнд хил дамнасан өргөн далайцтай мөрдөн шалгах ажиллагаа явагдсан. Мөн мэдээллийн солилцоог улам дэмжсэнээр тагнуулын мэдээллийг үндэслээд олон улсын түвшинд хөрөнгө буцаах мөрдөн шалгах ажиллагааг явуулсан байдаг. 

2019 онд боловсруулж баталсан удирдамжийн дагуу санхүүгийн үндэсний механизмыг нэвтрүүлж, хэд хэдэн хэргийг амжилттай шалгуулж шийдсэн байдаг ба 22 хэргээс бид 45 сая долларын үнэ бүхий хөрөнгийг битүүмжилж чадсан. 

Олон улсын хамтын ажиллагаа болоод мэдээлэл солилцох зарчмаар бид хөрөнгийн урсгалыг хараа хяналтандаа байлгах тал дээр амжилтад хүрч байгаа. 

 

• Нэг хэрэг дурдвал, Нийтийн албан хаагч хаагч А гэдэг хүний хэргийг нээсэн байдаг. Тэрхүү этгээд нь хууль бусаар баяжсан байдаг.
  С гэдэг этгээд нь 801,006 еврог өөрийн туслах байсан ах дүүсийн хүүхдүүд, хамаатан саднаараа дамжуулж гадаад дахь эхнэрийнхээ данс руу шилжүүлсэн байдаг. Анхан шатны мөрдөн байцаах үйл ажиллагаанаас энэхүү этгээдийн харилцан хамааралтай этгээдүүдийн дансны талаарх мэдээллийг бид тогтоосон. Байшин, машины гарааж худалдан авах гэгчлэн 650,000 еврог захиран зарцуулсан байсан. Үүнийг бид сүлжээгээрээ дамжуулаад санхүүгийн мөрдөн шалгах үйл ажиллагаа явуулж, мөнгө угаах гэмт хэргийг илрүүлж, холбогдох хууль бус үйл ажиллагааг  таслан зогсоосон. 
• Хоёр дахь хэрэг нь нийтийн албанд ажиллаж байсан этгээд гаднын ААН компаниас 1.2 сая еврогийн авлига авсан явдал. Тус компанийн охин компани нь Монголд бүртгэлтэй, үйл ажиллагаа явуулдаг байсан бөгөөд хайгуулын лиценз гаргаж өгсөн шан харамжид уг мөнгийг авсан байсан. Энэхүү шилжүүлгийг түүний харилцан хамааралтай этгээдийн дансанд хийсэн байдаг. Үүнтэй холбогдуулж Прокурорын газар тухайн улсын прокурорын албатай хамтран мөрдөн шалгах ажиллагаа явуулж, Монголд өнгөрсөн дөрөвдүгээр сард харилцан туслалцааны хүсэлт ирүүлсэн байдаг. Уг хүсэлтэд өөрийн журмаар мөрдөн шалгах ажиллагаа хийгээд 2018 оны арваннэгдүгээр сард хариугаа бид илгээсэн. Ийнхүү санхүүгийн мөрдөн шалгах ажиллагааны үр дүнд Б-ийн хууль бус гэмт хэргийн үйл ажиллагааны хөрөнгийг битүүмжилсэн байдаг. 

Эндээс эрх зүйн туслалцааны хамтын ажиллагаа ямар ач холбогдолтой болохыг харж болно гэлээ. 

ВИДЕОГ ҮЗЭХ: