"Интерном" номын дэлгүүрийн шинэ салбар Хан-Уулын И-март болон Хүннү моллд нээгдлээ
Нээлтээ хийгээд удаагүй байгаа И-март дэлгүүрийн Хан-Уул дүүргийн салбарт Интерном номын дэлгүүр ч мөн шинэ салбараа нээж хэрэглэгчдэдээ улам ойртлоо.
Тодруулбал, И-март дэлгүүрийн 3 давхарт, Хүннү Молл дэлгүүрийн 2 давхарт тус тус шинэ салбар нь нээгдсэн байна. Шинэ салбарын нээлттэй холбоотойгоор 9 дүгээр сарын 15-ныг дуустал 10-50%-ийн хямдрал зарлажээ.
“Интерном” нь Монголын хамгийн том номын дэлгүүр бөгөөд 2000 онд Шинжлэх Ухаан Мэдээллийн Төвийн (хуучнаар) нэгдүгээр давхрын үүдний хэсэгт номын жижиг мухлаг нээгдсэнээр үндэс суурь нь тавигдаж байсан юм.
Өдгөө хамгийн өргөн сонголттой номын дэлгүүр болж, 30,000+ гаруй нэр төрлийн бараа худалдаалахын зэрэгцээ шинээр гарч буй номын нээлт, зохиолч, орчуулагч, уншигчдын сонирхолтой уулзалт өдөрлөгүүд байнга зохиогддог соён гэгээрлийн томоохон төв болсон байна.
Өнгөрсөн хугацаанд Интерном номын дэлгүүр зөвхөн нийслэлчүүд төдийгүй, хөдөө орон нутгийн номын хорхойтнууддаа ч өөрсдийн үйлчилгээг ойртуулж 12 цэгт салбар дэлгүүрээ нээсэн билээ.
Мөн номын онлайн худалдааны www.internom.mn вэб сайтыг хэрэглэхэд хялбар байдлаар хөгжүүлж, хүссэн газраасаа хүссэн ном товхимол, сэтгүүл, тоглоом, CD, DVD, дурсгалын болоод бичиг хэргийн бүтээгдэхүүн захиалж хүргүүлэх боломжтой болгосон.
Түүнчлэн Интерном номын дэлгүүрийг англи хэл дээрх номын хамгийн өргөн сонголттой дэлгүүр болохыг зорин ажилласаар байгаа юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
7 СЭТГЭГДЭЛТЭЙ
|
