Хил хязгааргүй Австрали боловсролын үзэсгэлэн
Хил хязгааргүй Австрали боловсролын үзэсгэлэн нь Австрали Улсын Засгийн газраас Австралийн боловсролын салбарыг Монгол Улсад сурталчлах хамгийн том арга хэмжээ юм. Уг үзэсгэлэнгийн арга хэмжээнд ирсэнээр оюутан сурагчид, тэдний эцэг эхчүүд Австралид суралцахад шаардлагатай бүхий л мэдээллийг Австралийн боловсролын байгууллагын төлөөлөгчидтэй биечлэн уулзаж, баталгаатай эх үүсвэрээс шууд авах үнэ цэнэтэй боломж юм.
Австрали Улс гадаад оюутныхаа тоогоор дэлхийд гуравт бичигддэг бөгөөд сүүлийн 7 жилийн хугацаанд Австралийг олон улсад хүлээн зөвшөөрөгдсөн боловсрол олгох улс хэмээн сонгож, Монголоос Австралид суралцах оюутны тоо эрчимтэй нэмэгдсээр байна.
Энэ жил 8 дахь удаагаа зохион байгуулагдаж байгаа Австралийн боловсролын үзэсгэлэнд англи хэлний дамжаа, мэргэжлийн боловсрол, их дээд сургууль зэрэг Австралийн 20 орчим боловсролын байгууллагууд оролцож, Монголын оюутан залуус, эцэг эхчүүдэд өөрсдийнхөө сургууль, Австралийн боловсролын салбарын чанар, инноваци, тэтгэлэг, талаар танд хэрэгтэй мэдээллийг дэлгэрэнгүй өгөх болно.
Австралийн сургуулиуд та бүгдийн ирээдүйн мэргэжил, хамгийн шилдэг боловсрол, мэдлэг, ур чадварыг зөв сонгон эзэмшихэд замчлан чиглүүлэхдээ баяртай байх болно.
Хэрэв та Австрали улсад англи хэлийг төрөлх хэл мэт сурах, мэргэжлийн боловсролын сургуульд нарийн мэргэжлийн ур чадварыг эзэмших, их дээд сургуульд хүссэн мэргэжлээр суралцах хүсэл сонирхолтой бол 2019 оны 9 дүгээр сарын 21-ны Бямба гарагт Шангри-Ла зочид буудалд зохион байгуулагдах “Хил Хязгааргүй Австрали” боловсролын үзэсгэлэнд хүрэлцэн ирж, өөрийн болон үр хүүхдийнхээ ирээдүйд хөрөнгө оруулалт хийх боломжийг судлахыг зөвлөж байна.
Хил Хязгааргүй Австрали боловсролын үзэсгэлэнд оролцож буй сургуулийн байршил
ҮЗЭСГЭЛЭНД ОРОЛЦОХ АВСТРАЛИЙН БОЛОВСРОЛЫН БАЙГУУЛЛАГУУДЫН МЭДЭЭЛЭЛ
ХИЛ ХЯЗГААРГҮЙ АВСТРАЛИ БОЛОВСРОЛЫН ҮЗЭСГЭЛЭН
СЕМИНАРЫН ХӨТӨЛБӨР
|
12:00 – 17:00 |
Хил хязгааргүй Австрали боловсролын үзэсгэлэн |
Нээлт
Дэйв Воусэн
Австрали Улсаас Монгол Улсад суугаа Элчин сайд
Яагаад Австрали Улсад суралцах шалтгаан
Рэт Миллэр - Боловсрол хариуцсан Худалдааны төлөөлөгч
Австралийн их дээд сургуулиудын танилцуулга:
“ Канберра хотод сурч, амьдрах давуу талууд” – Австрали Улсын нийслэл
Алеск Хэррэра
Канберрагийн Технологийн Институт
Куйнслэндийн Технологийн Их сургуулиас Монгол оюутнуудад зориулсан сургалтын хөтөлбөр, тэтгэлэг хөтөлбөр
Жоэл Онг
Куйнслэндийн Технологийн Их сургууль
“Маккуайрийн Их сургуулийн тэтгэлэг хөтөлбөр”
Кэвин Хванг
Маккуайрийн Их сургууль
“Бонд их сургуулийн олгодог тэтгэлэг ”
Шарон Бигнэл
Бонд их сургууль
“Баруун Австралийн Их сургуулиас гадаад оюутнуудад олгодог сургалтын тэтгэлэг”
Мишэль Тийсдэйл, Баруун Австралийн Их сургууль
“ Мэльбурны Их сургуульд элсэн орох бэлтгэл сургалт”
Дэйвид Бунян
Тринити Коллэж/ Мэльбурны их сургууль
Cидней Их Сургуулийн танилцуулга
Дэлхийд ТОП-50 их сргуулийн нэг Куйнслэйдийн Их Сургуульд суралцах боломж
Натан Моу
Куйнслэйдийн Их Сургууль
Австрали Улсад суралцах талаар дэлгэрэнгүй мэдээллийг www.studyinaustralia.gov.au цахим хуудаснаас авах боломжтой.
Хил хязгааргүй Австрали боловсролын үзэсгэлэнгийн талаар https://www.facebook.com/events/425139705014248/ авна уу.
