2019/08/20
Америк доллар
МОНГОЛ БАНК:
2,672.73₮
B30
УЛААНБААТАР
18°
|
10°
B30
УЛААНБААТАР
20°
|
B30
УЛААНБААТАР
24°
|
06:00
S30
07:00
S30
08:00
S40
09:00
S26
10:00
S26
11:00
S26
11°
12:00
S26
11°
13:00
S30
12°
14:00
S30
13°
15:00
S30
13°
16:00
S30
13°
17:00
S30
13°

Б.Дуламсүрэн: Баярын амралтын өдрүүдэд 15 хүн усанд осолдож нас барсан

Б.Бадамгарав, IKon.mn
2019 оны 7 сарын 16
iKon.MN
Гэрэл зургийг mpa.mn

Онцгой байдлын байгууллагаас баяр, амралтын өдрүүдэд өндөржүүлсэн бэлэн байдалд ажилласан тухай болон үер, усны осол, ой, хээрийн түймрийн нөхцөл байдлын талаар нэгдсэн мэдээлэл хийлээ. 

Үндэсний их баяр наадмын үеэр буюу долоодугаар сарын 10-15-нд төв болон орон нутгийн давхардсан тоогоор 5,272 алба хаагч аюулт үзэгдэл ослын 34, объектын гал түймрийн 18, ой хээрийн түймрийн 59 удаагийн дуудлагаар ажиллажээ.

Шууд үзэх:
https://www.facebook.com/iKonNews/videos/746000545802889/

ОБЕГ-ын олон нийттэй харилцах төвийн дарга, дэд хурандаа Б.Дуламсүрэн: Баяр наадмын өдрүүдэд гал түймрийн 59 удаагийн дуудлагаар ажиллаж 28 иргэнд тусламж үйлчилгээ үзүүллээ.

Онцгой байдлын газарт зун цагт ирж буй нийт дуудлагын 90 орчим хувийг усны ослын дуудлага эзэлдэг. Баярын амралтын өдрүүдэд 15 хүн усанд осолдож нас барсан харамсалтай хэрэг гарсан.

Голын эрэг дагуу нутаглаж байгаа иргэд сонор сэрэмжтэй байх, эцэг, эхчүүд хүүхдүүддээ тавих анхаарал боломжоо өндөрсгөх хэрэгтэй байна.

Гал алдаж болзошгүй нөхцөл байдал үүсгэхгүй байхыг сэрэмжлүүлж байна

Гал түймэртэй тэмцэх газрын дарга, хурандаа Ц.Нямбаяр: Сэлэнгэ аймагт зургаан ой хээрийн түймэрт онцгой байдлын алба хаагчид ажиллаж байна. Сэлэнгэ аймгийн Ерөө суманд гарсан түймрийг унтраахаар дахин нэмэлт хүч илгээхээр болсон. 

Тиймээс ойн сан бүхий газруудаар амарч зугаалж байгаа иргэд ил задгай гал түлэхгүй байх болон гал алдаж болзошгүй нөхцөл байдал үүсгэхгүй байхыг сэрэмжлүүлж байна.

Ойрын өдрүүдэд усархаг бороо орж, гол ус үерлэсэн байгаа тул иргэдийг анхаарал болгоомжтой байхыг сануулж байна

ОБЕГ-ын олон нийттэй харилцах төвийн дарга, дэд хурандаа Б.Дуламсүрэн: Ойрын өдрүүдэд усархаг бороо орж, гол ус үерлэсэн байгаа тул иргэдийг анхаарал болгоомжтой байхыг дахин сануулж байна. Нийслэлд 9 дэх жилдээ завьт эргүүлийг ажиллуулж байна. 

Мөн хөдөө хол замд гарах гэж байгаа бол автомашины бүрэн бүтэн байдлыг сайтар хангах, баталгаатай гүүр, гармаар зорчих, бага насны хүүхдэдээ тавих анхаарал халамжаа өндөрсгөнө үү. 

Усны ослоос урьдчилан сэргийлэх ажлын хүрээнд сэрэмжлүүлэг зурвас илгээх, усанд орохыг хориглосон тэмдэг тэмдэглэгээг байршуулах зэрэг арга хэмжээг хэрэгжүүлдэг. Энэ төрлийн осол гарахад иргэдийн өөрсдийн анхаарал болгоомж, хайхрамжгүй байдал нөлөөлж байна.

Цаг агаарын мэдээ:

Цаг уурын байгууллагаас ирүүлсэн мэдээллээр 17-нд баруун аймгуудын нутгийн зарим газар, төв болон говийн аймгуудын нутгийн баруун хэсгээр, 18-нд баруун болон төвийн аймгуудын нутаг. говийн аймгуудын нутгийн баруун хэсгээр, 19-нд баруун аймгуудын нутгийн зүүн хэсэг, төв, говь, зүүн аймгуудын ихэнх нутгаар, 20-нд нутгийн зүүн хагаст дуу цахилгаантай бороо орно.

Борооны өмнө зарим газраарсалхи түр зуур 14-16 м/с хүрч ширүүснэ. 18-наас ихэнх нутгаар сэрүүсч Алтай, Хангай, Хөвсгөл, Хэнтэйн уулархаг нутаг, Хүрэн бэлчир орчим, Идэр, Тэс, Тэрэлж голын хөндийгөөр шөнөдөө 4-9 градус, өдөртөө 12-17 градус, говийн бүс нутгийн өмнөд хэсгээр шөнөдөө 15-20 градус, өдөртөө 26-31 градус, бусад нутгаар шөнөдөө 12-17 градус, өдөртөө 21-26 градус дулаан байх төлөвтэй байна.

x