2020/08/14
Америк доллар
МОНГОЛ БАНК:
2,848.45₮
B30
УЛААНБААТАР
24°
|
11°
B30
УЛААНБААТАР
26°
|
11°
B30
УЛААНБААТАР
23°
|
14°
16:00
S30
23°
17:00
S30
22°
18:00
S30
21°
19:00
S30
19°
20:00
S30
17°
21:00
S29
15°
22:00
S31
13°
23:00
S31
12°
00:00
S31
11°
01:00
S31
10°
02:00
S31
10°
03:00
S31
Энэ мэдээ хуучирсан буюу 2019/05/15 -нд нийтлэгдсэн мэдээ болно.

Согтуугаар дрон нисгэсэн хүнийг шийтгэх хуулийг Японд батлах гэж байна

Э.Сэмүүн, ikon.mn
2019 оны 5 сарын 15
iKon.MN
Зураг

Автомашин жолоодохдоо согтууруулах ундаа хэрэглэсэн хүн хуулийн шийтгэл амсдаг. Тэгвэл дрон буюу алсын удирдлагатай нисэх төхөөрөмжийг согтуугаар жолоодсон хүнийг шийтгэдэг болох заалтыг Японы парламент иргэний агаарын тээврийн хуулиндаа оруулахаар хэлэлцэж байна.

Өнгөрсөн санхүүгийн жилд Япон даяар дронтой холбоотой 79 хэрэг зөрчил гарсныг тус улсын зам тээврийн яам мэдээлжээ.

Тэдгээрийн дотор согтуугаар жолоодсон тохиолдол байгаагүй юм. Ихэнх зөрчил нь дрон төлөвлөөгүй цэгт газардах буюу дээрээс унасан хэрэг байжээ.

“Согтуугаар дрон жолоодсон тохиолдол манайд илрээгүй ч урьдчилан сэргийлэх зорилгоор хуулинд оруулах ёстой. Гурван жилийн өмнө АНУ-д согтуу хүн Цагаан ордны хашаанд дрон буулгаж байсан тохиолдол бий” гэж хуулийг санаачлагчид тайлбарласан байна.

Шинэ хуулийн дагуу 200 граммаас дээш жинтэй дроныг хүн ам шигүү бүс нутагт, нисэх онгоцны буудлын ойролцоо, шөнийн цагаар, эсвэл үзэгдэх орчин хязгаарлагдмал нөхцөлд нисгэх хүн Японы тээврийн яамнаас тусгай зөвшөөрөл авах ёстой.

Дроныг согтуугаар жолоодохоос гадна дуу чимээ ихтэй дрон нисгэх, хурдтай, аюултай маневр үйлдэх зэргийг хуулиар хоригложээ.

Дроныг согтуугаар нисгэж, жолоодсон этгээдэд нэг жил хүртэл хорих шийтгэл, эсвэл 300,000 иений ($2,700) торгууль оногдуулна. Бусад зөрчлүүдэд 500,000 иений торгууль оноохоор төлөвлөжээ.

Сүүлийн жилүүдэд дронтой холбоотой гэмт хэргийн тоо Японд нэмэгдэж байгаа. Тухайлбал 2015 онд цацраг идэвхт бодис тээвэрлэсэн дроныг хэн нэг нь ерөнхий сайдын ордны дээвэр дээр буулгаж байв.

Жижиг камераар тоноглосон уг дронд жижиг лонхтой шингэн дүүжилсэн байжээ. Цагдаа нар шалгаад уг шингэн бодис нь бага зэргийн цацраг ялгаруулж байгааг тогтоосон байдаг. Тухайн үед Японы засгийн газар цөмийн цахилгаан станцуудаа дахин ажиллуулж эхлэхээр төлөвлөж байсан тул байгаль орчныг хамгаалагчид ийм эсэргүүцэл үзүүлсэн байж магадгүй гэсэн дүгнэлт тухайн үед гарч байжээ.

Өнгөрсөн Ням гарагт Токиогийн төвд орших Шибуяа өртөөний гадна гадаадын жуулчин дрон нисгэж байсныг цагдаа нар зогсоох арга хэмжээ авсан байна.

Дрон нь ямар нэг осол эндэгдэл гаргаагүй ч эзэнд нь анхааруулга өгсөн юм.

 

Эх сурвалж: South China Morning Post

 

x