2020/08/15
Америк доллар
МОНГОЛ БАНК:
2,847.99₮
B30
УЛААНБААТАР
22°
|
13°
B30
УЛААНБААТАР
20°
|
12°
B30
УЛААНБААТАР
20°
|
10°
01:00
S29
11°
02:00
S29
10°
03:00
S29
10°
04:00
S29
10°
05:00
S26
10°
06:00
S26
10°
07:00
S26
11°
08:00
S26
13°
09:00
S26
13°
10:00
S26
14°
11:00
S26
15°
12:00
S40
16°
Энэ мэдээ хуучирсан буюу 2018/12/13 -нд нийтлэгдсэн мэдээ болно.

Д.Оюунхорол: УИХ-ын даргыг зөөлчлөөд байгаа юм шиг хандаж байна

С.Бадрал, iKon.mn
2018 оны 12 сарын 13
iKon.MN
Зураг
Гэрэл зургийг mpa.mn

УИХ-ын гишүүн Л.Энх-Амгалан, Д.Оюунхорол, Д.Ганболд нар цаг үеийн асуудлаар мэдээлэл хийж байна.

ШУУД ҮЗЭХ:

https://www.facebook.com/iKonNews/videos/274910396548351/

Цэц Засгийн газрыг Үндсэн хууль зөрчсөн гэж үзвэл Засгийн газар тарна

УИХ-ын дэд дарга Л.Энх-Амгалан "Монгол Улсын Ерөнхий сайд Засгийн газрыг удирдаж, төрийн хууль биелүүлэх үүрэгтэй. Мөн Засгийн газар үйл ажиллагаагаа УИХ-д тайлагнана хэмээн хуульд заасан байдаг. 

Засгийн газраас санаачилсан хууль, бусад асуудлыг УИХ-ын чуулганаар хэлэлцэх үед Ерөнхий сайд болон Засгийн газрын гишүүд оролцох ёстой. 

Чуулганы дэгийн тухай хуульд зааснаар УИХ, Засгийн газрын гишүүн буюу давхар дээлтэй гишүүд хүндэтгэн үзэх шалтгаангүйгээр чуулганы хуралдааныг таслах эрхгүй. 

Засгийн газрын гишүүд Засгийн газрын тухай, УИХ-ын дэгийн тухай хуулийг зөрчиж байгаа учраас энэ асуудлыг шалгуулахаар Үндсэн хуулийн цэцэд хандаж байна. Цэц Засгийн газрыг Үндсэн хууль зөрчсөн гэж үзвэл Засгийн газар тарна.

МАН-ын бүлгийн гишүүд хоёр хэсэг болж хуваагдан талцаад байгаа нь хэний ч өмнө ил болсон. Тиймээс 32, 32-оороо хоёр хэсэг болоод буй хэсгүүдээс дөрөв, дөрвөн гишүүн төлөөлөл болон гурван удаа уулзаж, зөвшилцөөд байна. Одоогоор тийм, ийм үр дүнд хүрлээ гэж хэлэх боломжгүй байна".

УИХ-ын даргын сандлыг аливаа гэмт хэрэг, асуудлаа хаацайлах зөөлөн сэнтий гэж хараад байх шиг байна

УИХ-ын гишүүн Д.Оюунхорол: Олонхын бүлэг ингэж талцаж хуваагдаж байсан тохиолдол Монголын парламентын түүхэнд байгаагүй. Өнөөдөр бид сандал суудлын төлөө хэрүүл хийх эрхгүй. Гэтэл нөгөө хэсэг маань өөрсдийнх нь талд Ерөнхий сайд байгаа гэж үзэж байгаа учраас асуудлыг хүч түрэн шийдвэрлэхээр дайрч байна. Уг нь бидэнд ярилцвал ойлголцохгүй зүйл байхгүй. 

УИХ-ын даргыг зөөлчлөөд байгаа юм шиг хандаж байна. УИХ-ын даргын сандлыг аливаа гэмт хэрэг, асуудлаа хаацайлах зөөлөн сэнтий гэж хараад байх шиг байна.

Үнэхээр шударга ёс хариуцлагын тухай яримаар байгаа юм бол ЖДҮХС-ийн асуудал дээр жишиг болгоод шийдчих хэрэгтэй байна. Бас шударга бусын хонгил гэж байгаа юм бол олон жил дараалан парламентад сонгогдож, сайдаар ажилласан Ц.Нямдорж, Н.Энхболд Ч.Улаан нар тэр хонгилыг бүтээлцсэн болж таарна.

Л.Энх-Амгалан "УИХ-ын даргад өөрийн хүсэлтээр өргөдлөө өг гээд 38 гишүүн шаардлага хүргүүлсэн байна лээ. Миний зүгээс төрийн эрх барих дээд байгууллагын удирдлагыг солих шаардлагаа хуулийн дагуу тавиасай гэж хүсэж байна. Гишүүдийн ярьж байгаа шиг хүчирхийллийн замаар асуудлыг шийдэх нь хууль зөрчсөн үйлдэл".

x