Орон нутгийн замын ослыг бууруулах хүрээнд 27 постыг тохижуулж, техник хэрэгслийг гардууллаа

Монгол Улсын хэмжээнд  зам тээврийн ослын улмаас жилд дунджаар 500 орчим хүн амь насаа алддаг бөгөөд эдгээрийн 78 хувь нь орон нутгийн замд гардаг гэсэн харамсалтай тоо баримт бий.

Орон нутгийн замд гарч буй зам тээврийн осол, нас баралтыг бууруулах, хяналтыг сайжруулах зорилгоор энэ онд улсын төсвийн хөрөнгө оруулалтаар 18 аймагт байнгын хяналтын 27 пост шинээр байгуулж байгаа ба өнөөдөр ЗТХЯ, Автотээврийн үндэсний төв ТӨҮГ-аас дээрх постуудад шаардлагатай тоног төхөөрөмжийг хүлээлгэн өглөө.

Үүнд ажлын өрөөний техник хэрэгсэл, согтолт тандагч, камер, иж бүрэн компьютер, хурд хэмжигч, суурин гэрлэн дохио зэрэг техник хэрэгслүүд багтсан байна.

Эх сурвалж: Замын Цагдаагийн Алба