Нийслэлийн орчимд баавгайн бамбарууш иржээ. Энэ тухай нийслэлийн Байгаль орчны газраас тодрууллаа.
"Сонгинохайрхан дүүргийн 21 дүгээр хороо 61-ийн гарамд айлын хашааны гадаа бамбарууш байна гэсэн дуудлага өнөөдөр өглөө 08:00 цагт Нийслэлийн шуурхай удирдлагын төвд ирсэн.
Дуудлагын дагуу НБОГ-ын мэргэжилтнүүд очиж зориулалтын уурга ашиглан барьж авч торонд хийгээд мал эмнэлгийн газарт аваачиж үзүүллээ.
Үзлэгээр бамбаруушны биед ямар нэгэн гэмтэл шарх, сорвигүй, эрүүл болохыг тогтоосон. Иймээс яг одоо байгальд нь тавихаар авч явж байна. Хаана тавихыг нь хэлэх боломжгүй" гэв.
Айлын гадаа ирсэн бамбарууш нь энэ хавар төрсөн бөгөөд бие даан амьдрах чадвартай болсон аж.
Энэ тухай Нийслэлийн Байгаль орчны газрын даргын жиргэсэн бичлэгийг хүргэж байна.
ВИДЕО: