Оросын уран гулгалтын залуу од Загитова дэлхийн дээд амжилтыг шинэчлэн тогтоожээ
Оросын уран гулгалтын залуу од Алина Загитова өчигдөр Германд болсон тэмцээнд эмэгтэйчүүдийн богино үзүүлбэрийн төрлөөр дэлхийн дээд амжилтыг шинэчлэн тогтоожээ.
Nebelhorn Trophy олон улсын тэмцээнд төгс гэж хэлж болохоор гүйцэтгэл үзүүлж 79.93 оноо авснаар Загитова бусад өрсөлдөгчдөөсөө бүтэн найман оноогоор тасарч, тэргүүлсэн юм.
Тэрээр энэ төрлийн өмнөх дээд амжилтыг Пёнчаны Өвлийн Олимпийн наадам дээр 82.92 оноогоор тогтоогоод байжээ. Гэвч Олон Улсын Тэшүүрийн Холбоо энэ оны дундаас эхлэн онооны шинэ систем нэвтрүүлснээр өмнөх дээд амжилтыг тооцохгүй болсон байна.
Загитова өнгөрсөн хоёрдугаар сард Пёнчаны Өвлийн Олимпийн наадамд 15 настайдаа оролцож, богино болон чөлөөт үзүүлбэрийн төрлүүдээс алтан медаль зүүсэн юм.
Алина Загитовагийн дээд амжилт тогтоосон үзүүлбэр:
Эх сурвалж: Russia Today
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
