2020/04/08
Америк доллар
МОНГОЛ БАНК:
2,781.09₮
B30
УЛААНБААТАР
11°
|
-2°
B30
УЛААНБААТАР
12°
|
-3°
B30
УЛААНБААТАР
13°
|
-2°
06:00
S31
-3°
07:00
S32
-3°
08:00
S32
-1°
09:00
S32
10:00
S32
11:00
S32
12:00
S32
13:00
S32
14:00
S32
10°
15:00
S32
10°
16:00
S32
11°
17:00
S32
10°
Энэ мэдээ хуучирсан буюу 2018/09/17 -нд нийтлэгдсэн мэдээ болно.

АНУ-ын Конгресс Монголын оёмол, сүлжмэл бүтээгдэхүүнийг татваргүй экспортлох асуудлыг хэлэлцэж байна

ikon.mn
2018 оны 9 сарын 17
iKon.MN

Монгол Улсад албан айлчлал хийж байгаа АНУ-ын Конгрессын танхимын гишүүд өнөөдөр Монгол Улсын Ерөнхийлөгч Х.Баттулгад бараалхлаа.

АНУ-ын Конгрессын төлөөлөгчдийн танхимын Гадаад бодлогын байнгын хорооны Ази, номхон далайн дэд хорооны дарга, төлөөлөгчдийн танхимын гишүүн Тэд Ёохо болон Конгрессын төлөөлөгчдийн танхимын гишүүн Элизабет Эсти, Том Гарретт, Бүбен Кихүэн нар Монгол Улсын Ерөнхийлөгч Х.Баттулгад бараалхаж, хоёр улсын эдийн засаг, батлан хамгаалах салбарын хамтын ажиллагаа болоод тус улсын Конгресст хэлэлцүүлж буй Гуравдагч хөршийн худалдааны хуулийн асуудлаар ярилцлаа.

 
Гуравдагч хөршийн худалдааны хууль нь Монголын оёмол, сүлжмэл бүтээгдэхүүнийг АНУ-ын зах зээлд татваргүй экспортлох, Монгол Улс-АНУ-ын хоорондох худалдаа нэмэгдэхээс гадна оёмол, сүлжмэл бүтээгдэхүүний салбарт монгол эмэгтэйчүүдийн ажлын байр олноор нэмэгдэх чухал ач холбогдолтой хуулийн төсөл юм. Уг хуулийн төсөл Монгол Улсад хэчнээн чухал байгааг Монгол Улсын Ерөнхийлөгч Х.Баттулга тайлбарлаж, 30-40 мянган монгол эмэгтэй ажлын байртай болох боломжтой хэмээн онцлов.

Мөн Мянганы Сорилтын Сангийн хоёр дахь компакт гэрээ 350 сая ам.долларын дүнтэйгээр гарын үсэг зурагдаж хүчин төгөлдөр болсныг талууд сайшаан тэмдэглэсэн юм.

Талууд Монгол Улсад хөгжиж буй ардчиллыг бэхжүүлэх, эдийн засгийг төрөлжүүлэх боломж болон хоёр улсын батлан хамгаалах салбарын үр дүнтэй хамтын ажиллагааны талаар санал солилцож ярилцлаа.

 

Эх сурвалж: Ерөнхийлөгчийн ХМА

x