Улаанбаатар хотын хэмжээнд өнөөдөр цахилгаан тасарсантай холбоотойгоор ЭМЯ-ны зүгээс эрүүл мэндийн байгууллагуудын үйл ажиллагааны талаар тогтмол мэдээлэл авч, мэргэжил арга зүйн удирдлагаар ханган ажиллаж байна.
Энэ талаар өнөөдөр мэдээлэл хийлээ.
Тухайлбал, УНТЭ-т бүдүүн гэдэсний хавдарын мэс засал, УГТЭ-т бөөрний мэс заслыг цахилгааны нэмэлт эх үүсвэрийг ашиглан амжилттай хийжээ. Мөн нийслэлийн амаржих газруудад 28 эх, ЭХЭМҮТ-д 9 эх хэвийн амаржиж, 2 эх кесарев хагалгаанд орсон байна.
Энэ үеэр 5 аймагт цахилгаан тасарсанаас Сүхбаатар аймагт 03:15 цагийн байдлаар цахилгаан холбогдоогүй боловч эмнэлгийн тусламж үйлчилгээ хэвийн явагдаж байна. Бусад аймгуудад цахилгаан хэвийн, эмнэлгийн тусламжийн үйл ажиллагаа хэвийн байна.
Эх сурвалж: ЭМЯ