Био аюулгүй байдлыг хангах лабораториудад тоног төхөөрөмж өглөө
Европийн холбооны буцалтгүй тусламжаар нийт 600 гаруй сая төгрөгийн өртөг бүхий Инкубатор, биологийн микросоп, гелийн аппарат зэрэг 25 төрлийн тоног, төхөөрөмж, сургалтын материал, нэг удаагийн хамгаалах хэрэгслийг Зоонозын өвчин судлалын үндэсний төв, мал эмнэлгийн хүрээлэн, ШУТИС-ийн Үйлдвэрлэлийн технологийн сургууль, Мал эмнэлгийн хүрээлэн зэрэг 7 байгууллагад өнөөдөр гардуулж өглөө.
Уг арга хэмжээнд Байгаль орчин аялал жуулчлалын сайд Н.Цэрэнбат, Эрүүл мэндийн дэд сайд Л.Бямбасүрэн, Европын Холбооноос Монгол Улсад суугаа бүрэн эрхт төлөөлөгч Марко Ферри зэрэг албаны хүмүүс оролцлоо.
Эрүүл мэндийн дэд сайд Л.Бямбасүрэн энэ үеэр хэлсэн үгэндээ ЭМЯ-ны харьяа Зоонозын өвчин судлалын үндэсний төв нь өнөөдрийн өгсөн тоног төхөөрөмжүүдийг ашиглан байгалийн голомтот, зоонозын өвчнийг тандах, халдварын эрсдлийг багасган, хүн амын өвчлөл эндэгдлийг бууруулахад онцгой ач холбогдол өгч ажиллана гэдгээ илэрхийллээ.
БОАЖЯ-ны дэргэдэх Био аюулгүй байдлыг хангах үндэсний хороо нь Европын холбооны Хими, биологи, цацраг идвэхит болон цөмийн эрсдлийг бууруулах санаачлагатай хамтран “Төв азиийн орнуудад био аюулгүй байдал, био хамгааллын үндэсний хууль эрхзүйн орчинг сайжруулах, мэргэжлийн сургалтыг зохион байгуулах бүсийн P53 төслийг өнгөрсөн оны нэг сараас эхлэн хэрэгжүүлж, Эрүүл мэнд, хүнс, биологийн зэвсгийн конвенцийн хэрэгжилтийг хангах хууль эрхзүйн орчинд судалгаа хийж, мэргэжилтнүүдийг чадвахижуулах чиглэлд ажиллаж байгаа юм.
Эх сурвалж: ЭМЯ
