Нийслэлийн Онцгой Байдлын Газраас 2018 он гарсаар нийслэлд тохиолдсон гамшиг ослын талаар мэдээлэл хийж байна.
ШУУД ҮЗЭХ:
Энэ онд гарсан ой хээрийн түймрийг өнгөрсөн оны мөн үетэй харьцуулахад 95 хувиар буурчээ. Харин эрэн хайх аврах ажиллагааны дуудлага 35 хувиар өссөн байна.
НОБГ-ын дэд дарга Б.Мягмардорж "Долоодугаар сард нийслэлд нэлээд олон усархаг бороо орсон. Борооны улмаас зам дээр лаг шавар үүссэн, айл, орон сууцны зоорийн давхарт ус орох дуудлага эрс нэмэгдсэн байгаа. Онцгой байдлын байгууллагаас зарим дуудлагад заавар зөвлөмж өгч, заримд нь газар дээр нь очиж ажилласан.
Өчигдрийн байдлаар хоёрдогч эрсдэл үүсч эхэллээ. Тэр юу вэ гэхээр Хан-Уул дүүргийн 11, 15 дугаар хорооны орон сууцны барилгуудын доороос ус нэвчиж эхэллээ. Нийтдээ 40 гаруй барилгын доороос ус нэвчиж байна гэх дуудлага ирсэн. Усыг соруулж ажилласны дараа буюу одоогоор 11 орон сууцны цахилгааныг хязгаарлаад байна. Ус нэвчиж цахилгааны шийд рүү хүрэх эрсдэл үүссэн учраас цахилгааныг хязгаарласан.
Зарим барилгын зоорийн давхарт үүссэн усыг хоёр хоног тасралтгүй соруулж байна.
Энэ хугацаанд НОБГ-ын 200 гаруй албан хаагч, 40 гаруй техник хэрэгсэлтэй тогтмол ажиллаж байна" гэлээ.