Ерөнхий сайд мэдээлэл хийнэ
УИХ-ын чуулганы хуралдаанаар төсвийн хуулийг баталсан.
Үүний дараа Алтны худалдаанд ил тод байдлыг бүрдүүлэх тухай, Ашигт малтмалын тухай хуульд нэмэлт, өөрчлөлт оруулах тухай хуулийн төслүүдийн хэлэлцэх эсэх асуудлыг үргэлжлүүлэн хэлэлцэхээр төлөвлөсөн байсан.
Гэвч УИХ дахь АН-ын бүлгийн дарга Д.Эрдэнэбат энэ асуудлыг нухацтай хэлэлцэх шаардлагатай байгаа тул ажлын хэсэг саналаа нэгтгэж дуустал завсарлагаа үргэлжлүүлэх хүсэлт гаргасныг хүлээн авснаар чуулганы үдээс өмнөх нэгдсэн хуралдаан өндөрлөлөө.
Чуулганы үдээс хойшхи нэгдсэн хуралдаанд Монгол Улсын Ерөнхий сайд Н.Алтанхуяг “Гудамж” төсөл болон улсын чанартай авто замын талаар гишүүдэд мэдээлэл өгнө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
