Помпейн балгасанд галт уулын дэлбэрэлтээс зугтаж яваад чулуунд дарагдаж үхсэн хүний араг яс олджээ
Помпейн археологийн газраас нэгэн шинэ, сонирхолтой олдвор илрүүлснээ Италийн албаныхан өчигдөр зарлажээ.
Нийтийн тооллын 79 онд Везуви галт уул дэлбэрэх үед нэгэн эр зугтаж яваад асар том чулуунд дарагдаж үхснийг батлах олдвор илэрсэн нь энэ юм байна.
Өчигдөр Помпей хотын захиргааныхан олдворын гэрэл зургийг сэтгүүлчдэд үзүүлжээ. Зургаас харвал 30 гаруй насны эрийн цээж хэсэг чулуунд бяц дарагдсан байгаа юм. Амиа алдсан хүний гавлын яс олдоогүй байна. Судлаачид уг хүнийг алхах чадваргүй болгодог нэгэн төрлийн өвчтэй байсан гэж дүгнэжээ.
Помпейн археологийн газрын захирал Массимо Осанна үүнийг тухайн үеийн түүх, соёл иргэншлийг харуулсан “онцгой ховор олдвор” гэж магтсан байна.
Эх сурвалж: Associated Press
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
