• 12 сарын 14, Ням
|
Уншиж байна ...
ХУУЧИРСАН МЭДЭЭ: 2018/05/22-НД НИЙТЛЭГДСЭН

МЭЗЧ 2018: "Цахим шилжилт-Блокчэйн" хэлэлцүүлгийн ОНЦЛОХ ЭШЛЭЛҮҮД

А.Үлэмж, iKon.mn
2018 оны 5 сарын 22
iKon.MN
Зураг зураг
Гэрэл зургийг mpa.mn

"Монголын эдийн засгийн чуулган - 2018"-ын салбар хуралдаанууд үргэлжилж байна.

ШУУД ҮЗЭХ:

https://www.facebook.com/iKonNews/videos/841074959411407/

Өнөөдөр Их танхимд болсон "Цахим шилжилт-Блокчэйн" нэгдсэн хэлэлцүүлгийн ОНЦЛОХ ЭШЛЭЛүүдийг хүргэж байна. 

 
Гэрэл зургийг mpa.mn

Харилцаа холбоо, мэдээллийн технологийн газрын Мэдээллийн технологийн бодлого, зохицуулалтын хэлтсийн дарга Б.Билэгдэмбэрэл:

  • Дижитал шилжилт гэдэг нь мэдээлэл технологийн дэвшлийг ашиглаад үйлчилгээ, ажлын үр бүтээмжийг сайжруулах зорилготой байгууллагын өөрчлөлт.
  • Дижитал шилжилт нь нэг удаагийн программ хангамж, онлайн шилжилт хийснээр шийдэгдэх асуудал биш. Дор хаяж 3-5 жил, түүнээс цааш хугацаатай стратеги төлөвлөлт гаргаад хэрэгжүүлэх үйл ажиллагаа.
  • Дижитал шилжилтийг амжилттай хэрэгжүүлэхийн тулд дээрээсээ эхлэх ёстой.
  • Төрд их олон мэдээлэл байдаг мөртлөө нээлттэй өгөгдөл бий болгож чаддаггүй. ​​​​
 
Гэрэл зургийг mpa.mn

​G0DZI11A Capital Partners-д хөрөнгө оруулалтын гүйцэтгэх ахлах, Bamboo Technologies компаний гүйцэтгэх захирал Жин Т. КИМ

  • Код дээр суурилсан байдлыг хэрхэн найдвартай болгоё гэвэл Блокчэйныг ярихаас өөр аргагүй.
  • Санхүүгийн гүйлгээнүүд ирээдүйд бүгд нэгэн зэрэг төвлөрсөн байдлаар хэрэгжих боломжтой.
  • Гүйлгээний нууцлал, аюулгүй байдал бүрэн хангагдах боломжтой.
  • Дэлхий дээр яваандаа технологи хөгжсөнөөр бидэнд их өөрчлөлт ил болно.
  • Криптовалютын орчин нөхцөл маш богино хугацаанд өөрчлөгдөж байна. 
 
Гэрэл зургийг mpa.mn

Солонгосын Шинжлэх Ухаан Технологийн Ахисан Судалгааны Институт (KAIST)-ийн Докторын дараах судлаач Э.Түмэннаст профессор:

  • Өнөөдөр хуурамч эмийн үйлдвэрлэл дээр блокчэйныг ашиглаж болно гэсэн санаачилга бий. Дэлхийн даяар нийт 200 тэрбум долларын хуурамч эмийн зах зээл байдаг. Эдгээрийн худалдаа нь онлайнаар явагддаг.
  • Онлайн худалдааг блокчэйнээр хянах боломжтой.
  • Биткойны өөр нэршлийг блокчэйн гэж хүмүүс ойлгодог. Үүнийг салгаж ойлгох хэрэгтэй. Блокчэйн технологийн хэрэглээ нь цахим мөнгөн дээр байдаг. 
  • Мэдээллийн блок үүсгэж, нууцлалаар баталгаажуулж хадгалах технологийг блокчэйн гэнэ.
  • Блокчэйн технологийг танилцуулахаас өмнө баталгаажуулалтын асуудлууд хэцүү байсан.
  • Мэдээллийн блок үүсгэж, нууцлалаар баталгаажуулж хадгалах технологийг блокчэйн гэнэ.
  • Төвлөрсөн системтэй харьцуулбал блокчэйн систем нь маш их тооцоолол ашигладаг.
 
Гэрэл зургийг mpa.mn

ABCC Крипто Биржийн үүсгэн байгуулагч, гүйцэтгэх захирал Калвин Ченг:

  • Криптовалют нь блокчэйнээс өөр. Криптовалют бол блокчэйн технологи дээр суурилсан үйл ажиллагаа.
  • Криптовалют гэдэг нь санхүүгийн шинэ бүтээгдэхүүн. Өмнө нь байснаас их өөр мөнгө.
  • Криптовалютаар бид хөрөнгө оруулалт хийж болно. 
  • Криптовалют нь тухайн хөрөнгө оруулагчдаа үр өгөөжөө авчрах ёстой. Крипто мөнгийг бид бусад зах зээл дээр байгаа капиталаар солих боломжтой.
  • Томоохон хөрөнгө оруулалт л биш бол криптовалютад хөрөнгө оруулалт хийгээд хэрэггүй гэж зөвлөх байна.

​​Айтүүлс компанийн захирал Г.Лхамсүрэн:

  • Аж үйлдвэрийн 4 дэх хувьсгал маш том боломжийг авчирж байна.
  • Монголын блокчэйны хөгжил дэлхийн хөгжилтэй хөл нийлүүлэн алхаж байна. Зарим талаараа түрүүлж байж болох юм.
  • Нүүрсээ эрчим хүч болгоход бидэнд маш том боломж бий. Энэ нь бодитойгоор дижитал шилжилт хийж байгаа гэсэн үг юм.
  • Бид блокчэйн технологийг судлаад 4 жилийн нүүр үзэж байна.
  • Монголчууд анх удаа блокчэйныг ашиглаад хөрөнгийн биржийн платформыг бий болгосон.
  • Монголын хөрөнгийн биржид хөрөнгө оруулахад 1 секунд л хангалттай болсон.
  • Интернэт бол төмөр зам. Блокчэйн бол галт тэрэг нь. 
  • Монголын нэг хувийн их дээд сургуулийн бүртгэлийг блокчэйн технологи дээр суурилсан болгох гээд ажлаа эхэлсэн. Ингэснээр хуурамч дипломны асуудал алга болно. ​
 
Гэрэл зургийг mpa.mn

УИХ-ын гишүүн Н.Учрал: 

  • Аж үйлдвэрийн дөрөвдүгээр хувьсгалыг зарим нь мэдээд, зарим нь мэдэхгүй байна.
  • Герман улс 60 сая ажлын байр үгүй болно гэсэн дүгнэлт гаргасан. Ажлын байр байхгүй болвол 60 сая хүн юу хийх вэ гэдэг асуудал яригдана. 
  • Тиймээс хөдөлмөрийн зах зээл, боловсролын салбартаа анхаарч байна.
  • Аж үйлдвэрийн 4-р хувьсгал гарснаараа зөвхөн мэдээлэл технологийн мэргэжилтнүүд бидэнд хэрэгтэй гэсэн үг биш юм.
  • Блокчэйн бол инновацийн тоон технологи. Бид дэвшилтэт технологийг ашиглах ёстой.
  • Блокчэйн технологийг бүх бүртгэлийн системд ашиглах ёстой. Бүртгэлийн хуулинд блокчэйн гэдэг үг, нэр томьёог оруулах санал гаргана.
  • Блокчэйн технологи буюу цахим аюулгүй бүртгэлийн тогтолцоог нэвтрүүлэх хэрэгтэй.
  • Бүх салбарт авлигагүй нийгмийг бүтээхийн тулд блокчэйн систем хэрэгтэй. Бүртгэлийн системийн ард хүн байхаар л авлигал, хээл хахууль үүсэж байна.
  • 21-р зуунд Монголчууд оюун санаагаараа тусгаар тогтнох түүхэн бололцоо байна.