ХУУЧИРСАН МЭДЭЭ: 2018/05/22-НД НИЙТЛЭГДСЭН
Арнауд Суарат: Дэлхий нийтээрээ Оюу толгой хэрхэн хөгжиж байгааг ажиглаж байна
iKon.MN
www.mpa.mn
“Монголын эдийн засгийн чуулган - 2018”-ын хоёр дахь өдрийн хүндэт зочны илтгэлийг Рио Тинто группийн Зэс, Очир эрдэнийн группийн Гүйцэтгэх захирал Арнауд Суарат тавилаа.
Түүний "Амжилтын төлөөх хамтын ажиллагаа" сэдэвт илтгэлээс онцлох эшлэлүүдийг хүргэж байна.
- Улсын эдийн засаг, нийгэм тогтвортой хөгжихөд төр засаг, хувийн хэвшил, иргэний нийгэм нь нягт түншлэх шаардлагатай байдаг. Энэ бол цор ганц бөгөөд бодитой арга зам.
- Монгол Улс хөгжлийнхөө зөв замд аль хэдийнээ орсон. Энэ нь төр засгийн зарим лидерүүд зоригтой шийдвэр гаргасантай холбоотой гэж би үздэг.
- 2010 оноос хойш Оюу толгой компани 7.5 тэрбум ам.долларыг дотоодын ханган нийлүүлэгчид, ажилчдын цалин хөлс, татвар хураамж зэрэгт зарцуулсан.
- Хэрэв бид хамтарч чадвал Монгол Улс түншүүдийнхээ хамтаар хөгжлөө хурдасгаж, хөрөнгө оруулалтаа нэмэгдүүлэх бүрэн боломжтой.
- Дэлхийд ховор зэс, алтны уурхайг ажиллуулж байгаадаа бид бахархалтай байдаг.
- Оюу толгой МУ-ын хувийн хэвшлийн хамгийн том ажил олгогч бөгөөд өдгөө 14,000 хүн ажлийн байраар хангагдсаны 94 хувь нь Монголчууд байна.
- Зэсийн ирээдүй 2020 он, түүнээс цааших хугацаанд эерэг харагдаж байгаа.
- Олон талаараа Монголын зэс шинэ технологи, олон нээлтүүдийн нэг хэсэг байх болно.
- Монгол хөрөнгө оруулагчдад тогтвотой байдлаа харуулах, гадны хөрөнгө оруулалтыг хамгаалах хэрэгтэй.
- Эрдэс баялгийн салбарт хөрөнгө оруулалт татах нь хэцүү. Товчхондоо ямар ч томоохон хөрөнгө оруулагч тогтвортой байдлыг чухалчилна.
- Оюу толгой хэдийн дэлхийн хэмжээний компани болсон. Оюу толгой Рио Тинто төдийгүй дэлхийн хэмжээнд аюулгүй ажиллагааг дээд зэргээр хэрэгжүүлж чадсан.
- Олон салбарт солонгорсон хөрөнгө оруулалтыг татах нь зөвхөн Монголд төдийгүй гадны хөрөнгө оруулагчдад ч чухал хэрэгтэй.
- Өнөөгийн хамгийн том зэс үйлдвэрлэгч Чили улс 50 жилийн өмнө цөөн хүн амтай, жижигхэн улс байсан. Ганцхан том зэс үйлдвэрлэгчтэй тус улс эдийн засгийн олон талт бодлогыг хэрэгжүүлж чадсан.
- Дэлхий нийтээрээ Оюу толгой хэрхэн хөгжиж байгааг ажиглаж байна. Энэ төсөл дараа дараагийн хөрөнгө оруулалтуудын үлгэр жишээ авах төсөл яриангүй мөн. Бид энэ төслийг амжилттай хэрэгжүүлж чадна гэдэгт итгэлтэй байгаа. Монголчууд хэдэн үеэрээ энэ компаниар бахархана гэдэгт би итгэлтэй байна.
- Бид хамтдаа алхаж байна. Бидэнд өөр зам байхгүй. Монгол орны хөгжлийг хамтдаа урагшлуулъя.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
