ҮЙЛ ЯВДАЛ: “Монгол бахархал-Цагаан сар” тэмцээн болно

Хүүхдийн Төв номын санд

11:00 цагт “Монгол бахархал-Цагаан сар” тэмцээн болно. ЕБС-ийн сурагчид үндэсний баярын ёс заншил, ардын дуу бүжиг, ерөөл магтаал хэлэлцэн өрсөлдөнө.

Төрийн ордны А танхимд 

11:00 цагт УИХ дахь Ардчилсан намын бүлгийн гишүүд өнөөдөр намрын чуулган завсарлаж байгаатай холбогдуулан мэдээлэл хийнэ.

Үндэсний мэдээллийн төв

11:30 цагт Номтой Нөхөрлөе клубээс "Эрээний бэлэгнээс, Эрдмийн бэлэг рүү" уриатай сар шинээр ном бэлэглэхийг уриалж хэвлэлийн бага хурал хийнэ.

MN-Мэдээллийн төвд

12:00 цагт МСНЭ-ийн их хурлаар улс төрийн намын нөлөөнд орж болзошгүй дүрэм батлахаар улайрч, сэтгүүлчдээр хэлэлцүүлэх боломж олгоогүйг эсэргүүцэн их хурлыг орхин гарсан сэтгүүлчид хэвлэлийн хурал хийнэ.

Нийслэлийн Хэвлэл мэдээллийн төвд

12:00 цагт Нийслэлийн Тээврийн газраас Сар шинийн баяраар автобус үнэ төлбөргүй үйлчлэх болон нэмэлтээр хэдэн автобус аль аль чиглэлд үйлчлэх талаар мэдээлэл хийнэ.