Баяр, амралтын өдрүүдэд улсын хэмжээнд 327 хүү, 313 охин мэндэлжээ
Баяр, амралтын өдрүүдэд Эрүүл мэндийн яамнаас гаргасан албан даалгаврын дагуу эмч, эмнэлгийн ажилтнууд эмнэлгийн тусламж, үйлчилгээний тасралтгүй шуурхай тусламжийг хангаж ажиллажээ.
Энэ хугацаанд түргэн тусламжаар насанд хүрэгчдийн 8,239 хүн тусламж үйлчилгээ авсан бөгөөд хүүхдийн дуудлага 6,239 байсан аж.
Осол гэмтлийн дуудлага 1,185, төрөх дуудлага 231, хоол, архины хордлогын 248 дуудлага өгсөн байна.
Эмнэлэг, тусгай төвүүдээр яаралтай тусламж авсан нийт 17,758 өвчтөн байсан.
Мөн нийт 67 хүн өвчний улмаас нас баржээ. Үүнээс насанд хүрэгчид 54 , 0-5 хүртэлх насны хүүхэд 11, 5-18 насны хүүхэд 1 нас барсан байна.
Энэ хугацаанд нийтийг хамарсан хордлого, осол гэмтлийн тохиолдол бүртгэгдээгүй болно. Эмнэлгүүдэд эмчилгээ, үйлчилгээ хэвийн явагджээ.
Эх сурвалж: ЭМЯ
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
