Шилмүүст моднуудад шөнийн гэрэлтүүлэг суурилуулжээ

Нийслэл хотын 378 жилийн ойг угтан Нийслэлийн захирагчийн ажлын албанаас нийтийн эзэмшлийн ногоон байгууламжид 4-6 метрийн өндөртэй шилмүүст модыг гэрэлтүүлэх ажлыг 14 хоногийн хугацаанд хийж гүйцэтгэжээ. 

Шөнийн Улаанбаатар хотод шинэ дүр төрх нэмсэн энэхүү гэрэлтүүлгүүд нь нийслэлчүүдийн эрүүл аюулгүй, таатай орчинг бүрдүүлж байгаагаараа онцлог юм.

Нийтдээ 1,506 модыг шөнийн гэрэлтүүлгийн угсралт суурилуултыг хийсэн бөгөөд Монголын гэрэлтүүлгийн холбооны дэргэдэх хотын гэрэлтүүлэг ашиглалт засвар, үйлчилгээ хариуцсан 5 аж ахуйн нэгж богино хугацаанд гүйцэтгэсэн байна.

Шилмүүст модны гэрэлтүүлгийг:

• Энхтайваны өргөн чөлөө Баянзүрх дүүрэг,
• Офицеруудын ордноос Сонгинохайрхан дүүрэг Сүлжмэлийн үйлдвэр хүртэл
• Сүхбаатарын талбайн урд талын Хонхтой цэцэрлэгт таригдсан моднуудад хийжээ.